LGN 25/02 Hay gooto annda so tawii ko mette wolla ko kaaɗi, kono huunde ndee nana ɓurta juuɗe ; sabu caggal duppunooɗo hoore mum to leydi Tinisii, jooni ko Ahmadu Tijjaan Bah waɗti nayaɓo caggal Bookaar Bookum (aarabe gooto to Tinisi, capaato gooto to Muritani e fulɓe ɗiɗo to Senegaal) .

Ko naane kikiiɗe e saanga waktuuji 16h 30 nde rajooji caakti “bartagol” suka gorko mo duuɓi 33 nootortooɗo e innde Aamadu Tijjaan Bah koɗɗo ko leegal Parsel.

Kanko Aamadu Tijjaan Bah o, o duppi hoore makko ko caggal “Palee”, woni galle laamorɗo leydi Senegaal. Ɗoon e ɗoon sappoor dogi fayi toon. Heede takkusaan ɓe payi toon ngam danndude mo. Tawaama o mo sumi no feewi e tataɓal ɓanndu makko. Ɗoon o nawaa safrorde Principal.

LGN 23/02 Mo aan’di e debbo mum gooto ndeke yahaani Inndo haa yiydi e Ziona Chana. Ziona Chana jeyaaɗo leydi Inndo jahroowo e duuɓi 66, ina jogii rewɓe 39, ɓiɓɓe 94 e taaniraaɓe 33. Kadi jooni o faltaaki ƴamde suddiiɓe woɗɓe…

Mo woni kala e haaju mum. Daawuuda Bah, jimmoo gooto wiyiinoo « mbiɗo jogii rewɓe nayo, oya mi jogoo ɗum, oya jogoo hoore mum, oya alla jogoo ɗum, keddiiɗo oo, bone jogoo ɗum… » Hannde, ko noon tigi Ziona Chana (Siyonaa Saana) mo leydi Inndo waɗi. Kaŋko o mo jogii rewɓe 39, ɓiɓɓe 94 e taniraaɓe 33 etee haaɗaani ɗoon.

Kamɓe kala ɓe koɗi ko e nder galle gooto, huɓeere wootere nde etasuuji nayi e cuuɗi teemedere e nder wuro wooto wonngo e rewo leydi Inndo e Mizoram (Mosoraam) sara leydi Birmanii e leydi Bangladesh (Baŋngaldees).