LGN 14/01 Ngam faabaade leydi Maali ngonndi hannde e hare, fitina e « lismaamiyaŋkooɓe », leydi Senegaal nuldii fotde 500 dadiiɓe. Ɗum woni ko Maŋkeer Njaay, jaagorgal Senegaal kalfinaangal geɗe caggal leydi holliri.

LGN 14/01 Bone kay ficcat laaci ! Ko fitina mawɗo dooki to wuro Rooso Beeco woɗngo hakkunde Ndar e Lisaa. Ko bay-faaleeɓe remooɓe kaɓi e aynaaɓe. Yimɓe ɗiɗo maayi heen, kadi fotde noogaas ngaañiima heen e tuumde ɓe ñaayde gese maɓɓe.

LGN 06/11 Laamu Makki Sal waɗii waylo jaagorɗe mum gadano ñande 29 oktoobor 2012 caggal lebbi 7 ɗi o ari e jappeere laamu ngu. ko nih doggol ngol lelorii e gardogol  ABDUL MBAY hooreejo jaagorɗe leydi Senegaal.

LGN 22/10 Juulde taaski heddi hen ko baɗe tati (3) faal-ɓe ɓee, e ñaŋ-ñaŋ-ɓe ɓe hay gooto ñallataa e galle mum sabu bone lahiyya. Hikka noon jawdi heewaani tawo so yerondiraama e ooɗoo sahaa rawane, kadi hikka jawdi na tiiɗi no feewi sabu dammuwol fof rawane coodatnoɗa ujunnaaje jeeɗiɗi hikka ko sappo.

LGN 22/10 Almuuɓe seeh Beeco Cuun mbaɗiino hannde seppo e ooɗo altine ndeɓe ceppata ndee noon ɓe ngadorii  koto jeere Sanndaga ɓe payi to boowal jeytaare leydi Senegaal ewiide yoo Seeh Beeco woppite safroyoo wona celluɗo ko ɗum woni koɓe njimannoo e bakko maɓɓe.

kono ndeɓe ngari haɓe njalti e boowal ngal ɓe puɗɗi helde mobelaaji gonnooɗi ɗoon ɗi kina tolno e teemedere e capanɗe tati (130) oto ɓe kelii ɗum ɓe ndupporii kaar gooto Dakaar Dem Dikk.

LGN 19/10 Ndey Binta Gey nanngaama ina wujja bagi

Sahaa juulde so faandiima e Ndakaaru ko ndeen nguyka bagi ɓurata heewde haa teeŋti noo  e sukaaɓe rewɓe hooƴaaɓe ganilaa wala mbasaŋ riis.

E oɗoo alet ɓennuɗo to jehre Asalem ɗo ko debbo gooto na wiyee Ndey Binta Gey mo duuɓi 38 naŋngaa ina wujji bagi Ganilaa goobaaɗo.