 LGN 15/11 Fulɓe laatiima pobbi e nder nduu adunaaru. Njennee njedditoo, kuɗee kamdinoo, kaɗee ŋeeña, kulɓinee ndoga, piyee njebbiloo. So tawii ko jeddii wolla ƴeewndo wonnoo, Gine hollitii en kadi jonnde men. Laamu Sellu Jallo hokkitaama e dow juuɗe ndoofoloñ fulɓe, jam ñalli waali. Eskey, ndaw ko haawnii! Ndaw ko yiɗi jam en, ellee wonaa on taaniraaɓe Sayku Umaar en, Hamboɗeejo en, Buubu Arɗo Galo en, jaraa boom hannde ko on taaniraaɓe Internet e wasuuji ɓurde yooɗde galle e yonteede debbo hakkunde ɓiy baaba mum en.
Nguyka ɓaleya waɗii Gine, manndinkooɓe mbaɗtii fulɓe e jiifa gila naange fuɗaani. Miin kam Ngay jaŋngo so mi finii, mi haddoto wudere am haa tiiɗa sabu mi wontii solima, mi weddiima eeraango fayde e Kummba ŋalee miñam yoo ar ittana mi diminna. Manndinkooɓe piyii fulɓe ngal tunka e tiyaabu sabu maɓɓe yananeede pullo gittoowo oon diminna alaa hakkunde hoodere e raññere. So mi wiyaanooma noon mi yeddat kono ndeke ko ɗum goonga. Manndinkooɓe mbiyiino debbo pullo jibinaani laamotooɗo Gine, nanmi njeddumi kono nanndii e goonga haa ittee mi yiya wolla laatoo mi jebbiloo.
|
|
jokku taro...
|
|
Section: Kabaruuji -
File Under: Doge & wiɗtooji |
|
|
 LGN 10/11 Suɓngooji Gine won ko kolliri ɓiɓɓe fulɓe haa hannde saliiɓe feertude gite. Hare karte woote e nder Gine won mbaadi kesiri ndi holliri. Jooni laaɓii cer, hay gumɗo yiyii wonaa jikke wooti kono ko woote leƴƴi; mo ɓuri jiideede kala laamoo. Nde Sidiya Tuure hokki juŋngo mum Sellu Jallo, wiyanoo ko maa won manndinkooɓe wootanɓe Sellu. Puut peɗɗet!!! Hay kanko e hoore makko, mi sikkaani so o wootanii Sellu sabu kala ɗo Siidiyaa nawnoo raay e gadanol, ko Konde nawi ɗoon raay e ɗimmol; etee ko ɓuri feeñde koo, ko karte Sellu ndillaani e oon nokku; ɗoon firti tan ko wootannooɓe Sellu e gadanol ngol, ko kamɓe tan ngootani mo e ɗimmol. Pellet, ko miin teyi haali hay so heewɓe njiɗaa ko ñuunjetee less ko haalee dow!
Ndeke nde wonnoo hakkunde Tuure Manndeŋ e Konde Manndeŋ, manndinkooɓe pecciima kono nde wontunoo hakkunde Sellu Pullo e Konde Manndeŋ, daande ko wootere: manndiŋkooɓe rewnooɓe e Sidiyaa oo mbaɗii gorle, kootii leydi Sunnjata Keita.
|
|
jokku taro...
|
|
Section: Kabaruuji -
File Under: Doge & wiɗtooji |
|
 LGN 05/11 Pulaar ina janngee, ina winndee kaaɗtudi hannde e nder duɗe, dingire galleeji e nder birooji, kono hol ɓeen tarooɓe, winndooɓe e huutortooɓe binndi pulaar? Mbela ko wiyeteeɓe “intellectual” en wolla ko wiyeteeɓe “analphabet” en?
Ndaw ko jari haala!
Mo naati e nder duɗe toowɗe janngirɗe, birooji toowɗi laamu e kala fannu, maa taw toon ɓiɓɓe fulɓe haalooɓe kala ɗemngal. Mo naati Washington, maa yii toon fulɓe ƴakkooɓe engele haa wayi no Abraham Lincoln en; mo naati Pari, maa taw toon haaƴooɓe farayse haa nanndan maa e Mitterand, haalaaka Espaañ wolla Almaañ.
Biɓɓe fulɓe ina mbinnda, ina tara kala ɗemngal kono wollaahi wota naamno nde gooto e maɓɓe winndata innde mum e pulaar wolla nde tarantamaa winndannde nde kelmeendi noogaas. So a reenaaki ko njembitere, ɗojjo e becce muusooje mbaratamaa jaleeɗe.
|
|
jokku taro...
|
|
Section: Kabaruuji -
File Under: Doge & wiɗtooji |
|
|
 LGN 22/09 Woni sirlu wolla woni peñcu, aduna fof ina anndi worɓe fuutankooɓe Amerik nganndiraaka juutde balɗe. Maa wood wiyɓe, eɓe malaa arsuku ; Ngay wii eey. Maa wood wiyɓe, eɓe malaa teeleeɗe, Ngay wii eey Alla e doŋngal kartoŋaaji. Kono so wood biyɗo, eɓe malaa balɗe juutɗe, Ngay wiyi ko ko capaato wiyata ko : « Maay sahha..... waawaa won’de »
Ngam loppude ndee rogere haa nde ɗigga cer tawa jeddi ngalaa, Ngay wiɗtii : jaraani ko e ɗen lima worɓe fuutankooɓe maayooɓe e Amerik hitaande fof. Ina heewi wiyeede wari ɓe ko : diabete, cancer, accident, ekn.... Juumre tigi. Ko mette Aram Njaay ɓolde wari ɗum en ! Fof ko maayde peral ; etee heewɓe ko resaaɓe (aahaa resaaɓe) ; hol ko saabi ko worɓe resaaɓe tan maayata e Amerik?
|
|
jokku taro...
|
|
Section: Kabaruuji -
File Under: Doge & wiɗtooji |
|
 LGN 15/09 De Baccel nani « Allah rokkunoomi ɗemngal », jamaanu dilli, pulaagu hijjitii, juutni daande faarnii, holliri hoore mum, Senegaal haa Liibii, Muritani haa Farayse, Pulaar ɓeyditorii darnde sukaaɓe e sagataaɓe saasɓe filñitiiɓe, ellee ko ngol fadanoo haa pelle e diɗɗe tottindira juuɗe : jime e magooji, jeewte e kiirɗeeli, ɗatle e kawte tottondiri ko’e, haa majjunooɓe mbaɗti iirtaade ganni mumen ina njiilloo ko njiidi e men : ndee Baccel wii wonde Pullo ina weli : mañetooji ina tammbaa, ina piila ina piiltoo « Allah rokkunoomi ɗemngal ; rajooji, jamɗe ellee baɗtaaɗe piɗtaale ina mbeltoo e ngaan saanga yottinde sawtuwol no juumri « anndu saa anndii anndin » ngol Tijjaani Aan ; ndeen e diiwanuuji mawɓe e sukaaɓe fof ngonti, Baccel ina siftoro, ko waalaare sabu jaɓɓaade diɗɗal Fedde Ɓamtoore Pulaar e gardagol Yero Dooro Jallo ko e maale malu e yiɗde hoore mum jeyaa ; ndeen wonde Pullo ina waɗi dakkamme, ina waɗi jikke.
|
|
jokku taro...
|
|
Section: Kabaruuji -
File Under: Doge & wiɗtooji |
|
|
|
|
|
|
|
Page 2 of 3 |
