LGN 07/09 Saarel ina nanngi yedditaaki ko seernaaɓe ɓee kaali koo wonde ñande jamma leylatul Qadri, so neɗɗo hawrii e waktu oo, kala nde ñaagii Joomum geɗe tati ɗeen kam ko ko njaɓatee.

Jamma 27, Saarel hiirii tuumtaade oon waktu cuɓaaɗo e oon jamma tedduɗo.  Hakkunde darnde njuulu e kurus, Saarel ina tuumtoo maale biyaaɗe ɗee.

Jamma oo ina duybi-duybina ina mooytanoo fajiri, haa maale ɗee peeñani Saarel. Denɗi heñii findini jom suudu mum: “ Waktu biyaaɗo oo dey naatii, njiɗnoo-mi ko kaalaa geɗe tati ɗe njiɗ-ɗaa, ñaago-ɗen Allah”. Pennda Caam deƴƴi seeɗa, ɓami konngol : “Saarel aɗa anndi aɗa wondi e rafi lelnde, ko haɗi ñaago-ɗaa mbele Joomiraaɗo ina ɓeyda juutnande ma………. Nde Caamel joofnata tawa Saarel ɓamii kurus duwii.