Lewlewal Group Networks (LGN) ||| kabaruuji Fuuta e Winndere |||
 KODDUWAAR : Kooniŋkooɓe farayse ngartirii Senegaal-naaɓe toobɓe |
| TOSTAAN: Njelaari, kaddungal rewɓe, dewgal waawnere... yeewtere peñcu |
| ROOSO BEECO (SENEGAAL) : Fulɓe aynaaɓe 14 nanngaama |
| JOLOO: Sukaaɓe rewɓe Ndakaaru njolnii pemmbi kesi |
Haayoo ɓollaare holoo! Lewlewal Group yahanii on e nder wuro Ndakaaru ngam sunnaade oo weccoo-ɓaaƴoo keso : ɓollaare boomi e seemedɓe. E gure teeru e kala sahaa nde nguleeki yonti maa sukaaɓe haa teŋti e sukaaɓe rewɓe njolnu ko hesɗi. Rowane ndeya ko laasi kollirooji terɗe kala e boowal kono beeyɗi e ɓanndu wonan’de ko rewɓe kaali. Rowane jolnoo ko yolbin’de tuuba mum woppa kine dote e boowal : heewi henndu, weli joom mum saka birtiiɗo.
Hikka kewi ko ɓollaare. Haaɗaani ɗoon, sabu won heen njahat haa puuɗa ɓollaare mum’en haa wojja. Cey ndii leydi! Won heen mbiyi ko ina soofi haa ñiklinii, heddiiɓe mbiyi ko sukaaɓe ina poti yahdude e jamaanu mum’en. Won wiyɓe kadi ko waasde needi e halifaaɓe. « Miɗo sikki ɗum kam alaa fof ko yooɗi heen. Sabu debbo anndiraa ko moorol wonaa pemmbol », e ko Maalik Saar, jeeyoowo teewu sara jehre sanndaga wiyi. « Miin kam mi roŋkii anndude ko ngoo jolo woni. Hannde kam hay gooto alaa kaliifa. Rewɓe nana ndewi e aadaaji tubakooɓe tan; worɓe mum’en ina ndeƴƴi kaalaani hay huunde. Hol to paaɗen?” e miijo Faatima Sall garnooɗo soodde comci to jehre Sanndaga. “Wota tampinee min! Mo woni kala e sahaa mum; debbo ko mode. Ko ɗum kewi jooni”, e konngol Sira Njaay, gooto e rewɓe ɓolliiɓe jaɓde haaldude e men to jehre Sanndaga. Rowane boniino, hikka jaasi ɗum, yoo alla suur en e ko ɓe njogori jolnude ko hitaande faande; jaraa boom ɓe puɗɗiima gila jooni: boomi senegaal-naaɓe fiilde banndaaji waañaare (porno) haa e nder leegule Ndakaaru. Yoo Bajjo reen ɓesngu Bukari miñam. Binndol Almuudo Ngay, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men.
Comments (2)
Joomla components by Compojoom
|
LGN
Miin adan mi roŋkuno faamde winndannde nde, kono ɓaawo ruttiruttin'de nganndumi ko femmbaade ( laɓaade hoore ). So tawii ko goonga ko ɗum kesum sabu rewɓe nganndirano ko faarnoraade sukundu; kono wonaa kam ɓoytade hoore mum haa laaɓa! ɗum fof e waade noon; miin njiimi ko ɗum boniraani noon fof, kadi soofiraani noon, no way fof miim kam ɓuranimi wi'de ina ñemtina Tuubakooɓe wojjinoo walla jokka sukundu. Miɗa tawti wiiɓe ko yahdude e yonta ɓee...