LGN 01/06/12 Banndiraaɓe tedduɓe en nduttitiima he binndanɗe men; koodiyankaagal, caggal dumunna juutɗo, mbo pooftino-ɗen. Kabaaru men hannde noon; ko jol-jole jogorɗe waɗde he asamaan he, ɗo e balɗe garooje; banndiraaɓe am tedduɓe, mbaɗtee hakkilaaji mon no feewi, ñande jeegom (06) lewru  korse (juin), tagofeere jaayre ina jogori wirtaade  mbuuɗu naange ngu.

So ndeen yontii, so yimɓe ndaarii naange nge maa njiy he ndeer mbuuɗu magge ko wayi fattere ɓaleere nih he mbuuɗu naange, ɓe ndonka faamde ko ɗum woni.

Oo kew waɗata ko subaka law ɗo naange nge fuɗata ɗo, kono kala mbo jogaaki lone keeriiɗe ko abbii e oon fannu hoto ndaar naange nge; ina addana hoore mum ngumndam. Foti ndaarde nge tan ko jogiiɗo lone keeriiɗe; wonaa kadi lone fof huutortee ɗuum, ko maa njahon to galle koodiyankooɓe coodon toon ɗeen lone, ɓe ndokka on heen wasiyaaji no ndaarda ton naange nge.

So min mbiy on noon galle koodiyankooɓe, koko wiyetee he ɗemngal farayse ko: ( la  maison de l'astronomie).Paamen kadi ɗeeɗoo joljole keewaani waɗde,birtagol hoodere jaayre he mbuuɗu naange, waɗata ko he 100 hitaande fof laabi ɗiɗi (02),  eɗi ɓallondira eɗi ngoɗɗondra, ngati ɗuum e hitaande 2004 ɗum waɗiino, kono ngol laawol so ɓennii ɗum waɗtoyta ko e hitaande 2117.

So en ƴeewii hakkunde ɗeeɗoo daawe, won heen ko ɓallondiri, won heen ko woɗɗondiri. Ina anndaa noon ɗum ɓurata feeñde ko bannge maayo geeƴe paasifik fayi rewo kanada, e huunde e leydi tayti (tahiti), kadi wonɓe ostorali (australie) maa laaɓe ɗum no feewi. ɓurata feewnitaade e laaɓeede fof ko jogiiɗo lonngorɗe dowrowe.

Binndol Alasan Kaaliidu BAH, koodiyanke Lewlewal Group Networks , www.mbiimi.com

• Add New
• Search

Comments (5)

• 2012-06-02 21:28:39 | amadu

  wooro min mbayriima!!! bah bah

  • 0
  • 0

  ReplyQuote

• 2012-06-02 21:30:29 | amadu

  wooroo kooni min mbayrii ma

  • 0
  • 0

  ReplyQuote

• 2012-06-03 11:59:42 | abuu saydu jallo  - njettoor

  on njaaraama yoo alla cellin doole yoo geno duulo pittaali soora cellal e moni kala semmbina baawal haa lenyol yettina paanaale mum

  • 0
  • 0

  ReplyQuote

• 2012-06-07 17:15:21 | Alassane

  seydi ataal, mi salminii ma, ko he jam ɓolo nonno-ɗen, ko en yahnooɓe njillu leydi me, so ɗuum ɓennii jol-jolle ɗe hay huunde mbonnataa e aduna he. Ko goongo ALLA rokki aadee ganndal, kono bongol aduna ko he junngo makko woni; jeyaa ko e coktirɗe mbirniindi, ko kanko heerorii ɗuum. Bongol aduna, hay gooto tinataa maatataa, arata ko e bettere mawnde :nde hay gooto meeɗaani miijaade, ganndal aadee yettoyaaki toon. A jaraama Alasan kaaliidu BAH.

  • 0
  • 0

  ReplyQuote

• 2012-06-09 15:04:44 | Laamtooro  - Fotaani yontu

  No Taaltaal oo wiynii min, min kattimaa-ma no feewi.
  Ko teeŋtinnde ko kaalaɗa ko ena selli, e saha mo mbiyɗa oo, wonɓe ngalgaa beccal to kanada-too, min ceetiima-ɗum.
  Seydi Bah a waɗi no ngowɗa waɗde so riiwtudi niɓɓere: Maataw waliyaaɓe keewtan eɓe njejitma kono minen dee amin ngooɗi ko maako.
  Njokken golle monikala e ɗo heedi, ngati ɗanngal faade Fuuta fuɗɗi ko'e taaɓannde:
  Laamtooro

  • 0
  • 0

  ReplyQuote

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom