Lewlewal Group Networks (LGN) ||| kabaruuji Fuuta e Winndere |||
 APR : Sukaaɓe lannde Makki Sal kaɗaama seppude |
| Makki e Ceen mum : yoo gujjo reen hoore mum |
Dille keewii caggal nde Makki cusi nguu goomu ngam aaraade nguyka jawdi laamu. Mo woni kala e haala mum kono laamɗo jeertinii : baɗo bonnde fof yoo reen hoore mum. Kala noon baɗɗo jam e ngalu laaɓngu yoo ɓernde mum deeƴ sabu hay gooto tuufetaake e yeese laawol so wonaa tawa joom mum laaɓani e yeeso laawol. E haala makko ; ko yimɓe fof ndenndi poti heen, kadi wonnde loskito ngoo ko yuurnitaade ngaluuji gujjeteeɗi wolla keɓiraaɗi no haanaani. E nder hen caggal nde haala heewi e ndee toɓɓere; kanko hooreejo leydi oo, o jeertinii kadi won’de jaɓɓal ngal o yaɓɓingal wonaa o pirtoowo ɗum sabu alaa ko ummini mo so wonaa gollan’de ɓiɓɓe Senegaal e nawrude leydi ndi yeesu. E nder heen kadi o hollitii oon goomu reenotaako hay tuumaaɗo gooto, gila noon e wonɓe e laamu haa e woɗɓe. Binndol Abu Gay, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN
