| NDEMA: Makki Sal yamirii yoo remooɓe basalle mballe |
Hooreejo leydi Senegaal hono Makki Sal yamirii yo laamu jaɓito rewooɓe basalle. Sabu e wiyde makko e tuumannde ko fedde adunankoore halfinaande njeeygu wiyi ko rewooɓe basalle mballaama, maa Senegaal waaw yaltin’de fotde 230.000 haa 240.000 ton basalle ko sokli e nder hitaande ndee ko. E ko yalti e batu jaagorɗe leydi ndi; Makki Sal hollirii won’de yoo ndemanteeri darane haa mbaawen jogaade ko’e men e ko faati e nguura; sabu Senegaal ina foti waawde wuurde hoore mum haa teeqti noon e basalle. Ko ɗum saabi haa o yamiri yo njeyguuli ɗii njuɓɓine tawii cogguuji ɗii ina mbaawa yahdude e dow paamondiral. O yamirii kadi nde pelle yeeyooɓe e rewooɓe wonɓe diiwaan fuuta e diiwaan ñaay (Cees) nde kaaldata haa kadi yimɓe mbaawa soodde kiloo kala 165 buuɗi CFA. Direktoor ARM gardiiɗo ko faati e njeeygu Senegaal hollirii won’de maa basalle gummotooɗe caggal leydi ndartine haa ko woni Senegaal ko waawa yeeyeede. Sabu “so tawii a telliima haa e nder ngese hee, aɗa waawi soodde kilo kala 165; tawi ko e dow tali hee ko 200 f CFA; taw noon ko e nder jeereeji kilo kala wostondirtee ko 250 CFA” Hannde e diiwaan fuuta haa teeqti e Tooro e Laaw (tuggi Fanay haa Tareeji, Buube, Cile, Haayre e yeeso mum) basalle nana pawondiri coodaaka; wolla boom ko seeɗa tan soodetee heen. Alla e sago kadi laamu nguu; fuutankooɓe e ko’e mum en tiiɗno mbaɗa isinaaji ngam waawde mooftude ndii ndemanteeri. Wiyaama noon maa isin waɗe to Podoor. Binndol Usmaan Makka Lih, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN
lamu ngu wadi feere mawnde.Remoobe fuutankobe ena poti walede....Lebi 3 ada he ngesa a basalle menda mbona he ndera hontere...