Lewlewal Group Networks (LGN) ||| kabaruuji Fuuta e Winndere |||
 APR : Sukaaɓe lannde Makki Sal kaɗaama seppude |
| Eggooru hoɗooru politik |
 |
 |
 |
| Kabaruuji | Dawrugol |
| Written by Baru Bah on Thursday, 15 March 2012 23:34 |
Aadama Sal tawtoyii Makki Sal Aadama Sal jeyaama e adiiɓe hollude Abdullaay Wade keeeci ngam tawtoyde Makki Sal. Kanko Aadama Sal o waɗi ɗum ko ñande altine ndee. Ko adii nde omo egga ko o jaagorɗo toowɗo o wonnoo. Ko kanko kadi heɓnoo poolgu e Wuro Siidi ɗo o jeyaa ɗoo. Ko adii nde omo yalta, Aadama Sal wonii e jaagorɗe keewɗe e laamu waylaare ngu o tawtoyi caggal nde laamu Abdu Juuf yani. Omo tuumee noon e gollorɗe keewɗe ɗe o ardinoo waaasde rewnude ɗumen laawol. Ko ɗuum nih waɗi heewɓe ina cikki Aadama Sal ko dogɗo caggal nde sikkitii poolgu Abdullaay Wade. Heddii noon ko won yiyɓe ko o waawi koo bonnude ɓuri ko o feewnanta Makki Sal. E kabaaru gadano oo, wiyanooma ko Makki noddi mo nam o ara o tawta ɗum, kono ɗo sakket ɗoo hollitaama o rewi ko e Farba Ngom ngam tawtoyde Makki. Abuu GAY Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
Eggooru hoɗooru politik
