LGN 11/01 Iwdi Ñanndaan, koreeji, hoɗdiiɓe e sehilaaɓe Mbasu Niang waɗii jemma siyaara ciftoor nguurndam e golle Mbasu Niang. Siyaara oo waɗi ko e ndee yontere maaynde e dingiral tolno galle Umaar Niang ɓurɗo anndireede Mbasu dutiiɗo e joom mum ko ɓooyaani ko.

Siyaara Mbasu Niangŋ ! Mo nannoo jemma ciftoor nguurndam Mbau Niang fof maa sikku ko jemma kelle, buubaaji e wanngo, kono oo jemma ko mo diine e ciftoor Geno joom baawɗe. Addi ɗum e konngol gooto e wuurdunooɓe e Mbasu hono Aliw Badara Sall ko yeeso woɗngo ngo Mbasu anndiranoo, so darnde makko e diine Islaam.

Mbasu, hitaande fof ina heewnoo waɗde hono oo siyaara ngam renndin’de juulɓe leegal mum e hoɗdiiɓe gila Parcelles U14 haa Niandaan e nder Podor. Hikka noon ko kanko waɗanaa siyaara oo ngam siftorde golle makko diine e pinal sabu arɓe ɓee fof ina kawri e moƴƴere e enɗam Mbasu.

Ko adii jemma, defte ɗiɗi kaamiilu njippinaama ngam yurmeende oo jeyaaɗo Alla. E haala Ceerno Niang to Nianndaan, Mbasu ina heewnoo hitaande fof jippin’de deftere nde ɗo galle makko ɗo ; ndeke heen wootere ko ngam jokkude aadi mako e Allah, ndeya ko kam kanko hoore makko e Ñaagaade yurmeende Geno.

Jemma oo yiyii jimɗi diine e duwawuuji gila wenndoogo haa waktuuji fajiri juulaa. Yimɓe heewɓe tawtoraama gila e yahdiiɓe to bannge naalankaagal hono Baaba Maal, kono kadi seernaaɓe e yiɗɓe haa arti e iwɓe haa Ñanndaan, wuro Mbasu to Podor.

(natal ñaamo ngal ko natal Aliw Badara Sall juurotooɗo yanaande Mbasu Niaŋ to Ñanndaan- Natal Lewlewal Group)

Binndol Umaar Tokosel Bah, Lewlewal Group Networks, www.mbiimi.com

• Add New
• Search

Comments (0)

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom