LGN 08/01 Sinuwaaji ina nganndiranoo waanjitaade jananum ngam feewnude hono mum ina yeeya. Ñemmbo-ñemmbo maɓɓe wonaa buleet, kono kewi jooni koo noon diwii haali. Laamu Siin (chine) hollitii won ñamo-ñamo keso mo joom en restoraaji njaltini to Siin mbaawɗo ittude teew mbabba tugal waɗta ɗum no teew nagge nih gila e mbaadi haa e dakame mum.

E ko laamu Siin saakti, e nder hojomaaji 90, restoraaji to Siin ina mbaawi waylude teew mbabba tugal mbaɗta ɗum teew nagge. E ko ɓe kabri, joom mum en ngadotoo ko waɗde e teew mbabba tugal oo ñamo-ñamo (produit) ngam ɓoltude balngol mbabba ngol hade maɓɓe waɗde heen ñamo-ñamo goɗɗo gittaaɗo e na’i ngam ɓeydude e teew mbabba oo balngol teew nagge.

Joom restoraaji heewɓe to Siin ina kuutoroo ndee feere sabu e haala maɓɓe, ko ɗuum ɓuri ngartam. Ɗoon ɗo kiloo teew nagge ɓuri coggu teew mbabba ko abbotoo e cowal, e ɓe njihri ɗum nafoore mawnde sabu maa ɓe mbaaw soodde teew bamɗi tuge, ɓe mbaɗta ɗum na’i ngam jarnude teew maɓɓe. Ɗiin porodiwiiji ina njeeyee hannde e nder jehre wiyeteende Dong Xuan e nder wuro Hanoi to Siin. Laamu nguu kadi hollitii ɗiin ñamo-ñamooji puɗɗiima naweede Vietnam kañum e leyɗeele goɗɗe. Won kadi jaayndiyankooɓe Siin kolliti won e ñameele peewneteeɗe Siin jeeyeteeɗe e leyɗeele goɗɗe ina mbaɗi teewu bamɗi tuge baylaaɗo.

Oo kabaaru addanii heewɓe sikkitaade tebbuuji e nder restoraaji keewɗi sabu mo tettini ñaamde e nder restoraa sinuwaa fof so reenaaki maa ñaam “ngorba nagge.”

Hay so tawii e oo sahaa ko Siin e Vietnam ɗum ɓuri saraade, won fuɗɗuɓe tewaade tebbuuji restoraaji ɗi ngonaa juulɗuɗi (halaal) sabu maɓɓe yiɗde yananeede iwdi teewu ɓe ñaamata o. Caɗeele ɗee tan ko teewu halaal ina heewani juulɓe heewɓe coggu, nde tawnoo coggu mum famɗaani e nder leyɗeele tuubakooje.

E nder heen noon, kadi restoraaji sinuwaaji e nder leyɗeele tuubakooji, hay so wonaa sikkitaade iwdi teewu nguu, ndefu mum hay gooto humpaani: barigal nebam ɗo tebbuuji kala ndefetee ko gootal. Teewu mbabba tugal, ngiro ko ɗoon suuwetee suuwtee, ngu nagge e gertooɗe suuwee heen. Ko noon haa nebam ɗam banta rufee. Ndeke hay so wonaa teewu tugal waylaangu ne, tugal ɓooyii ñaamireede nagge banndum.

Binndol Umaar Tokosel Bah, Lewlewal Group Networks, www.mbiimi.com

• Add New
• Search

Comments (0)

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom