LGN 06/01 Yuusu Nduur woniino jaalal (ambassadeur) Unicef e nder rogere mum aarde hakkeeji cukaagu e wellitaare mumen. Unicef, sabu mum yiyde juqngo Yuusu Nduur e nder dawrugol Senegal fellitii yaafaade ɗum e golle mum to Unicef.

E tuugnaade e sakto kabaruuji ngo fedde adunayankoore ngam wellitaare e aarde hakkeeji sukaaɓe yaltini, Yuusuu nattii jogaade tiitoonde ambassadeer UNICEF sabu makko laataade dawriyanke.

E ciftoor, Yuusu Nduur fellitii gila ñande 2 janɓier dikkaade lefol laamu Senegaal. E nder saakto kabaruuji ngo o waɗi, hay so wonii ɓernde makko waɗiino sikkim-sakkam e dikkaade wolla toqtude won e mbiruuji dawrugol, o hollitii jooni pellital makko yiilaade lefol ngol e hoore mum ina tiiɗi, sabu makko yananeede ɓuri tampin’de Senegaal ko dawriyankooɓe mum.  E yiyannde Yuusu Nduur, dawriyaqkooɓe leydi ndi kaastaama, ndeke sabu makko waasde won’de dawriyaqke kañum e makko laaɓde juqngo e jawdi laamu maa addan mo nawde araa-raay e daawal gadanal.

E nder yeewtere nde o waɗdi noon e france24, Yuusu artii heen e wiyde rafi makko jaqde toownde (o yottaaki daawal hakkundeewal woni college) waawaa haɗde mo laamoraade no moƴƴiri sabu kala ko laamɗo leydi jogii ko ina gollee ina jogii haralleeɓe heeroriiɓe ɗum. Kaqko ko o ɗowoowo tan etee o mo jogii ɗee kattane.

Hannde noon dikkagol lefol laamu Yuusu Nduur ina aanni dawriyankooɓe heewɓe haa arti e luutndiiɓe laamu Wadd sabu makko joganaade ɓe salamburu njennoor jikkuji maɓɓe tuunduɗi e jawdi laamu kañum e ƴoƴe fiilto-moolto dawrugol.

Ina wonata, mbela ko tinndol ? Hikka laɓa e ko Yuusu Nduur ko!

Binndol Umaar Tokosel Bah, Lewlewal Group Networks, www.mbiimi.com

• Add New
• Search

Comments (0)

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom