Lewlewal Group Networks (LGN) ||| kabaruuji Fuuta e Winndere |||
 KODDUWAAR : Kooniŋkooɓe farayse ngartirii Senegaal-naaɓe toobɓe |
| TOSTAAN: Njelaari, kaddungal rewɓe, dewgal waawnere... yeewtere peñcu |
| ROOSO BEECO (SENEGAAL) : Fulɓe aynaaɓe 14 nanngaama |
| Siyaara Ceerno Saydu Nuuru e Muntaga Taal : ñalngu dottaama |
E oo sahaa ko e heblo mawngo wonaa e ko faati e siyaara mo Ceerno Saydu Nuuru Taal e Ceerno Muntagaa Taal mbaɗantee e kala hitaande. Ko ngolɗoo woni laawol capanɗe tati e ɗiɗi. Ɗum fuɗɗotoo ko ñande aljumaa 20 lewru Sanwiyee 2012 to Rawda (Jumaa Sayku Umaar) to leegal Medinaa Ndakaaru- Ñalawmaaji ɗii kala ko jaŋde Al Quraan, silkeeji, duwawuuji, jeewte e naamnde ko feewti e diine Lislam- Aljumaa kikiiɗe caggal juulal ko Wajiifa e konngol Kaliif Ceerno Madaani Taal udditta siyaar o- Ñande 21 Aset / Subaka ko silkeeji e duwawuuji, jeewte, naamnde ñalawma oo kala-/ Alet 22 Sawiyee : subaka ko silkeeji e duwawuuji-kikiiɗe saanga 16h e ko fawi ko bismagol laamu e hoohoobe Marok, Libi, Muritani e leyɗeele juulɓe kala e gardagol Kaliif Ceerno Basiiru Taal Kaliif Galle Sayku Umaar kañum e Sarifaaɓe men- Ñande Altine 23 ko ñalnde mawnde e jonnde dental Seernaamɓe Senegaal : Rabita Ulemaa en- Ko yuurnitaade kafeeje diine lislaam, naamnde haa e huccam kesam- Jamma hedde 20H 30 Ceerno Madaani Taal e dow yamiroore Ceerno Basiiiru TALL Kaliif galle oo; maa waɗ duwaawu kala nde saakoo. E siftinde jonnde adannde waɗaama hakkunde laamu e ardiiɓe golle ɗee “ko fuɗɗii koo kala na rewi laawol, kadi eɗen sikki kala kala maa newo”, e konngol Ceerno Mammadu Muusa Sih, hooreejo Ahbaab e jubbudi siyaar oo. Maa jonnde woɗnde waɗe to nokku jaagorgal Usmaan Ngom, kalfinaaɗo geɗe nder-nderiiji e kisal leydi Senegaal. So yahii haa heddiima yontere kadi jonnde maa waɗe to rawda too e dow tawtoreede goorneer mo Ndakaaru. Hannde noon sukaaɓe Umariyee, mawɓe Ahbaab e Rabita ndawii fittude e lawƴude nokku jumaa Sayku Umaar e rawda Ceerno Saydu Nuuru Taal; ngam bismaade hoɓɓe. Maa Lewlewal artu heen haa yaaja tawi kadi ko direkte; ɗoon e ɗoon gila e reportaas, widewooji, naamnde e kala ko feewti e siyaar oo ; hay dara hummpataa on. Binndol Usmaan Makka Lih, Lewlewal Group Netwokrs, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN
