LGN 24/11 Huunde e ardiiɓe gure to Welingaraa Ferloo mbaɗii e oo talaata 22 nowamburu seppo. Ummini seppo ngoo e wiyde maɓɓe ko cukko perefee Welingaraa biyeteeɗo Seek Anta Jeŋ waɗtii suɓanaade hoore mum ardotooɓe gure.

Talaata e nder Welingaraa Ferlo ko ñalawma duggere. Gulaali e luukaali yeeyooɓe naattii e dille ardiiɓe gure yuɓɓinɓe seppo. Seppo ngoo noon waɗi ɓe yuɓɓin'de ɗum e no ɓe kaaldi ko ŋaafte ɗe Seek Anta Jeŋ, cukko  perefee oo waɗti ŋaaftude ardiiɓe gure  ɓee, ina fiila ɓee, ina fiilta ɓeya e dow ko luutndi aadaaji maɓɓe. Gila 1940 nde nokku oo waɗetee cukko perefee, ko ɓeen ngonnoo ɗo, ndeen nih tawa Welingaraa ina jeyaa e diiwaan Luga.

Ɓe tuumi noon joom en gure suɓaaɓe hesɓe ɓee ko ko njeeni Seek Anta nayi e jawdi, oon ne fiili ɓe joom en gure ngam jotondiral hakkunde maɓɓe waawa ɓennin'de paandaale makko e gure he. Aamadu Demmba Sow, Gobel Bah, Jeynaba Bah ina njeyaa e joom en gure en ɓe cukko perefee oo itti joom en gure.

Seppo ngoo noon ummii ko damal laamorgo renndo dowri oo haa to damal gollorde cukko perefee oo. Seek Anta noon jaɓaani haaldude e jaayndiyaŋkooɓe, so wonaa tan o yaltinii ɗerewol ngam hollitde o jaabotaako e haala ka woodaani etee seppo ngoo yamiraaka. E wiyde makko ñalawma duggere ndee o waawaa rokkirde yamiroore seppo sabu dadiiɓe ɓee keewaani.

Kamɓe ardiiɓe gure ɓee ɓe kabrii kadi hikka, ɓe keɓaani aawdi e junngo cukko perefee o. Nde ɓe ngarani aawdi ndee, cukko perefee oo riiwtu ɓe. Ngay Sow, gardiiɗo Lummbol Waɗaaɓe e Jeynaba Bah, kollitii so ɓe ngartiraaka e ngardiigu gure maɓɓe ɓe ndartintaa hare.

E ndee hare noon, ɓe naamnii ko yoo cukko perefee oo itte etee kamɓe fof e jeyeede e PDS, so ɓe ngartiraaka e hoore gure maɓɓe, hoto PDS ɗamino toon kartal woote.

E wiyde maɓɓe ɓe piɓtaaki ko jolnoo Mbaan, Sanngalkaam e Fanay ko ko ko jogori jolde Welingaraa sabu pellital maɓɓe. Eɓe tuumi kadi junngo gardiiɗo goomu joom en gure ɓee ina wiyee Ablaay JEŊ ina e ndee maalde ngam ittude won heen e ardiiɓe gure ngam kanko e cukko perefee oo ɓe mbaawa heɓde keewal wallidiiɓe e nder joom en gure ɓe.

Binndol Mammadu Muusaa Soh, Lewlewal Group Networks, Ferlo

• Add New
• Search

Comments (1)

• 2011-11-24 14:17:46 | njaay

  mbete ko itta mbiimi, watta [mane]? mbiimi ! yeewee kaptorde

  
  

  • 0
  • 0

  ReplyQuote

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom