Lewlewal Group Networks (LGN) ||| kabaruuji Fuuta e Winndere |||
 KODDUWAAR : Kooniŋkooɓe farayse ngartirii Senegaal-naaɓe toobɓe |
| TOSTAAN: Njelaari, kaddungal rewɓe, dewgal waawnere... yeewtere peñcu |
| ROOSO BEECO (SENEGAAL) : Fulɓe aynaaɓe 14 nanngaama |
| Sunaare mawnde : Ceerno Aadama Gay to Ñaŋnga Edi ruttiima… |
Saɗaani Allah, haawaani bajjo! Gooto ganndo joom diine kadi wayniima! Ceerno Aadama Gay mo Ñaŋnga Edi ruttiima e joom um caggal nafi makko haa o nawaa to Principal, Ndakaaru e ɗee balɗe. O wirnoytee ko to wuro makko hono Ñaŋnga Edi. Ceerno Aadama noon jibini mo ko Ceerno Usmaan Maalik Gay e Sokna Baaba Joŋ. O adorii jaŋde ko to baaba makko, hade oon halfin'de mo Ceerno Baaba Gay Ñas (tawii o mo yahra e duuɓi sappo e ɗiɗi); O rewni heen Ceerno Bookar Jeey haa o reeni deftere Al Kuraan nde. O jaŋngii noon e duɗe keewɗe haa teeŋti e to Seedo Abaas (e Ceerno Umaar), to Kasga ( e Ceerno Raasin), to Golleere laaw, Wuro Soogi, Kanel, ekn ; kadi o yehii haa to Tammbaa Kunnda to Ceerno Idiriisa Cimmbo dokkuɗo mo laawol Tijjaani. Hade makko yahde Tammba Kunnda, o yehiino haa leydi Gambi yiiloyaade ganndal. Ko e oon dumunna Ceerno Makko Idiriisa Cimmbo waɗti mo e juuɗe Mammadu Lamiin Jah to Jeemu e nder leydi Mali. E oo sahaa o lollirii ganndal diine, kono haɗaani mo jokkude jaŋde haa to galle Sayku Umaar Taal e duɗe Mopti e ummbuktu ngam hebbitoraade jaŋde. Hannde ko kaŋko wonnoo Ceerno men mawɗo to baŋnge Fuuta, Ceerno jiɗaaɗo, genɗaaɗo, korsinaaɗo. Mawɗo e nder diine Lislaam e nder Senegal e Afrik baŋnge worgo. Yoo Geno yurmo mo, yaafoo mo. En nduwanii ma banndiraaɓe kala. Bandiraaɓe makko kaalaani tawo hol ndeen e nawtetee e nde o wirnetee, kono ko toon e Ñaŋnga Edi kam. Binndol Usmaan Makka Lih, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN
yoo alla wad toon fooftorde makko. yoo alla yobmo moyyi makko yaafoomo pergitte aduna aaaamiiiin!