LGN 03/11 Fedde Tabital Pulaaku Winndere waɗii batu kuuɓtidinngu to Bamako e nder lewru maayndu ndu ngam yuurnitaade golle fedde nde e ngonka fulɓe e nder winndere nde. Ina jeyaa e joljole jeewtaaɗe ɗe safrude ñawu kablol mawngu ngu fulfulde hannde won'di e nder aduna, so rafi rajo e tele.

E gardagol Hooreejo Alfaa Aamadu Jallo (natal ngal), TPI (Tabital Pulaaku International) teeŋtinii yiɗde mum tabitin'de ngoon rajo e tele wonnoongo e haaleede wolla eɓɓeede ɗii duuɓi fof. E nder heen, sabu mum naamnaade kopporeeje (kaalis) keewɗo, e yantude e peeje cakkaaɗe ngam ɓulnaade miijooji e jawdi, Hooreejo Tabital Pulaaku, hono Alfaa Aamadu Jallo hokkii fedde nde 220.000 dolaar (ko ina tolnoo e 105 miliyoŋ CFA) ngam fuɗɗoraade. Heen 200.000 dolaar ko ngam waɗde rajo e tele, ɗeya 20.000 dolaar ko ngam mahde galle ñiiɓirɗo TPI e nder Bamako. E siftin'de kadi boowaal ɗo galle oo mahetee ɗo, ko kaŋko Alfaa oo hokkunoo ɗum TPI e jooɗnde maɓɓe mawnde adiinde nde to Bamako.

E nder heen kadi fedde nde eeriima leyɗeele jeyaaɗe e TPI gadane ɗe nde mo woni fof addata piye ɗe rewetee ko adii maayire hitaande 2011 nde. Ina jeyaa heen Mali e Kameruun mo woni kala miliyoŋaaji ɗiɗi e feccere cfa; Niseriyaa, Burkina, Niger, Chad mo woni kala miliyoŋaaji 5 cfa; Muritani miliyoŋ e feccere cfa. E nder heen kadi leyɗeele kese naatɗe ko wayi no Gammbi e Gine Bissao taƴanaama mo woni kala miliyoŋaaji ɗiɗi e feccere.

Leyɗeele bayɗe no Anngolaa kadi taƴanaama hono nih: Anngola miliyoŋaaji 5; Gine Ekuwatoriyaal miliyoŋaaji ɗiɗi e feccere fcfa; Itali e Allemaañ ujunnaaje 5 Ooro (Euro) mo woni kala; Belgik e Farayse ujunnaaje 3 Ooro mo woni kala.

Ina yanti heen Itali ina foti wersude ujunnaaje 20 Ooro kawrin'dinanooɗe e nder njillu Hooreejo TPI to Orop.

Tabital e faamde ko jawdi, ɗowngo ƴoƴre, kawral, karallaagal ñawndata ñabbuji keewɗi, fellitii ñawndude oo ñabbu ɓooyɗo woyeede.

Ina ɗaminaa maa ɗii kaalisaaji fof ndenndu ko adii batu pattamlamu Tabital Pulaaku to Bamako e darore hitaande 2012 ngam tabitin'de eɓɓooji keewɗi ɗe fedde ndee anniyii waɗde.

Binndol Umaar Tokosel Bah, Lewlewal Group Networks, www.mbiimi.com

• Add New
• Search

Comments (4)

• 2011-11-04 18:49:20 | | aliou h sarr to dimat  - yo allah yootin fandaare

  dental woni dolle yo allah waalu

  • 0
  • 1

  ReplyQuote

• 2012-05-21 12:21:31 | fatima sissy  - tabital pulaaku international ghana

  pls what are we going to do to help our borther

  • 0
  • 0

  ReplyQuote

• 2012-06-07 11:09:43 | | hady  - fulbe

  mbida yidi humppitaade kala ko kewi e fulbe.

  • 0
  • 0

  ReplyQuote

• 2013-01-23 21:47:26 | | baldehnube@yahoo.com  - fulbeh

  kawrall wonni fof den han kawren

  • 0
  • 0

  ReplyQuote

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom