LGN 28/10 Nafoore leɗɗe e nder nguurndam renndo men limotaako; gila e ñaameteeɗe, daborteeɗe haa e cafrorteeɗe. Hay so olo e nguli ustii ko heewi e leɗɗe puɗatnooɗe haa won heen nih nattii yiiteede ko heewi ko wayi no puuleemi e keeleele, hannde won keddiiɗe keewɗe ɗe nafoore mum anndaa hay so kesam-kesamaagu e karallaagal kesal doktoreeɓe won ko ruŋtini en heen. Ina jeyaa e ɗeen leɗɗe, bambammbi (won heen mbiyi ɗum kupampami).

Bambammbi ko lekki keewki fuɗde e sara nappuuji calti caggal gure wolla kam e ceene. Ko lekki kadi ki baramlefi (won heen mbiyi baralli) mum keewi kosam (ndeendelam ndanejam). Kosam kiin lekki noon ina heewi nafoore to bannge cellal haa arti e safaara gaañannde ubbitiinde. E gannde ɓaleeje gila ñeeñal doktoreegal kesal ngal araani e men, kosam ɓiɗaɗam e bambammbi ina toɓɓittenoo e gaañannde siloore ƴiiƴam ngam hernude ɗaam ƴiiƴam e safrude gaañannde nde; hono hol ko sakkii les?

Kosam bambammbi ina waɗi e nder mum "alcool" woni ndeelelam toosɗam ɗam doktoreeɓe keewi safirde gaañannde sabu e ɗam wara "microbe" (kullon ñaamon ñawnoowon kon njiyotaako e yitere mehre). Won e men ina toɓɓitatnoo kosam bambammbi e gaañannde, mbaɗa heen haako ƴakkaako, fiilira ɗum tekkere ngam yoo haako koo suur gaañannde nde haa nde yoora. Hannde noon wiɗtooɓe mawɓe njiitii ndeke mawɓe men waɗatnooɓe noon hanki ina njoganii ɗum daliilu: "kala ko woni e nder "alcool" ina e nder kosam bambammbi".

Heddoo noon kadi ko posone so ɓurtii, sabu so heewii maa war hay ko wiyetee "globule rouge", ñaamon nafoyon ngonkon e nder ƴiiƴam. Ko koon ñaamon mboɗewon ngojjini ƴiiƴam etee neɗɗo waawaa wuurde caggal makkon.

Binndol Umaar Tokosel Bah, Lewlewal Group Networks, www.mbiimi.com

• Add New
• Search

Comments (1)

• 2011-11-01 16:08:13 | Laamtooro  - kukuu

  Mi anndiraanoma ngo yeeso
  seydi Bah

  • 0
  • 0

  ReplyQuote

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom