| USE Ndakaaru: Heblo maabuɓe, heɓɓitorde hesere ina woodi |
| Written by Abu Gay, Umaar Tokosel Bah on Friday, 28 October 2011 18:38 |
E njillu Lewlewal Group Networks to suudu heblirdu mahngo maabuɓe, tawɗen toon ko Mammadu Koli, jogiiɗo heblo janngooɓe muulngo kala ko fayti e looɗe, pehe (pelɗe, cuuraay, ekn), baltinirɗe, ñemmbo nate yimɗe ekn. E tinndinoore Koli, USE ina daranii ɓamtude gollal maabuɓe e fannuji ɗiɗi: ƴellitde ɗum haa waasa majjude kono kadi waɗtude ɗum gollal guurndam naftoowal e nder aduna hannde o. E nder heen, fedde nde ina hebla almudɓe 5 e nder duuɓe 4 kala ngam janngin'de joom mum en ganndal mahngo e muulngo haa joom mum en mbaawa wurde heen. Ina jeyaa e ko joom mum en njanngata: mahdi ɓakkere suumtaande ngam hokkunde ɗum ñeeñal jiɗangal e gollorɗe e galleeji ko wayi no nate (yeru hooreejo leydi Abdu Juuf e Abdullaay Wadd mo min tawi nanndo mum e USE). Ina heen kadi muulngo gollorɗe naftorteeɗe e galleeji ko wayi no looɗe, anndooji (pehe) cuuraay, pelɗe, baltinirɗe ndiyam baɗeteeɗe e mbilndi huɓeere, ekn.
E naamndal nafoore e ngartam USE e ngoo heblo, Koli hollitii heen faandaare USE ko heblude sukaaɓe renndo men haa naftoroo ganni nafoowo jiɗaaɗo sabu muulngo ɓakkere ina horsinaa hannde e Senegaal kañum e caggal leydi. E yeru mum, Koli kadi teeŋtinii hitaande fof, dente keewɗe ina mbaɗee ɗe USE tawtorte ngam semmbin'de muulngo leydi.
E naamnal ko saabi ko njowo tan kebletee e rogere duuɓi 4 kala, Mammadu Koli caggal mooso mawngo e jaabaade: "mahngo leydi hay so enen fof en mbaɗii ɗum e cukaagu nde fijiratno-ɗen ɓakkere, ko ganndal coomngal ñeeñal mawngal. Mbaawka mum weeɓaani etee heblude seeɗa nafoowo ɓuri heblude heewɓe tawa ko keewal buubi. Seeɗa mo min keblata oo, e yettere Geno joom baawɗe, ina wuuri heen kaaɗtude etee nimsa alaa heen." Binndol Umaar Tokosel Bah e Abu Gay, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN
E nder heen, sabu teeŋtin'de, ɓeen sukaaɓe heblaabe heen ina njeeya mahdi mum'en e jehe Ndakaaru, e mbeddaaji wolla nih mahooɓe kuɓeeje sabu baltinirɗe mahraaɗe leydi e wiyde makko ɓuri weeɓde e coggu kono kadi ɓuri waawde ɓooyde sabu ina njaha haa duuɓi teemedere (100) e dow mbildi huɓeere tawa kelaani. E nder heen, Koli kadi hollitii hay so tawii fuutaŋkooɓe ina deɓi ruŋtaade ganni mahngo seeɗa, won huccitɓe heen hannde no feewi sabu maɓɓe iyde heen nafoore sabu ko heewi e mahooɓe hannde looɗe, anndooji wolla nih ñeeñal maabuɓe wonaa ɓe maabuɓe.
