Lewlewal Group Networks (LGN) ||| kabaruuji Fuuta e Winndere |||
 Roɓindo jaayndeeji Mali: Basiir Sinuun arnoo ko tineede; boy laawii nay |
| Roɓindo jaayndeeji Muritani: Ndaw cariindi e Muritani! |
| Roɓindo jaayndeeji Mali: Suɓngooji hooreejo Mali 2011 mbaƴƴinii barmeeji, kono dorog .... |
| Roɓindo Jaayndeeji Mali: Hakkunde nguyka cefe na’i e ruuɗo ATT |
| Roɓindo Jaayndeeji: Hakkunde Dawrugol, Caase e Coftal ɓalli |
| Written by Mammadu Sammba Kah on Friday, 21 October 2011 20:12 |
Mbele Usmaan Tanoor Jeŋ fuɗɗaaka añteede e ngardiigu PS. Caggal Aysata Taal Sal, Kaliifa Abaabakar Sal meer mo Ndakaaru oo woɗɗaani naamnaade yoo kawgel ndernderwel lannda kaa waɗe ɓennuɗo fof wona ngemmbantooɗo Ps e suɓngooji garooji. Ko jaaynde Tribune waɗi ƴeewndo ngardiigu e lollugol e nder lanndaaji politik teeŋti e PS. Le Populaire arti ko e luure gonɗe e baawgol Abdullaay Wade jeyeede e suɓngooji garooji ɗii. E ko jaaynde ndee haali, luural jeyegol Abdullaay Wade e suɓnooji ɗii fuɗɗiima hujjitde e diiwanuuji Senegaal fof. Waɗooɓe politik ɓee kañum en mbiyi ko yoo hoohooɓe winndere ndee kaal heen. L’Observateur, kañun soooynii waylowaylo e laamu Senegaal. Jaaynde ndee taƴani ɗum kelle ɗiɗi, hello 4 e 6. Paap Sammbaare Nduur inniri ɗum ko peeje Wade ngam foolde e suɓngooji garooji ɗii. Ittude hooreejo jaagorɗe oo mbele ina wellitoo e heblo suɓngooji ɗi, kariim Wade nani caggal leydi renndina buuɗi keblorɗi, jippinde jaagorɗe tiiɗɗe e politik telloo e diiwaanuuji mumen, ɗum ɗoo ko e peeje Abdullaay Wade lelni ngam ɓennude e suɓngooji garooji ɗii. Ɗuum jaaynde Le Quotidien inniri ɗum ko ‘pette nayeejo oo (Abdullaay Wade) hade suɓngooji garooji ɗii ummaneede Tiitoonde jaaynde ndee ko ‘ Ƴoƴe Wade feewde e damal jaltirgal’. Ngaal damal e yiyannde jaaynde Rewmi Quotidien woɗɗaani uddaade, tawde kay ‘ Fof en kawritii ngam riiwtude Wade’. E ko Sud Quotidien winndi, ɓeen jogorɓe ñaawde ɓee nani ndenti ngam tiiɗtinde ɓerɗe sikkitiiɓe ɓee. E talaata hannde oo, ɓe uddiii lulnde ngam ƴeewde sarɗiiji e golle maɓɓe e suɓngooji ɗii. Onon noddooɓe e noototooɓe telefoŋaaji, jaaynde Le Pays ina habra on laamu nguu nani ñukkindoo e noddirɗe ɗee. Le Soleil yuman jaayndeeji habrii wonde Senelec (jogiiɓe kuuraa ɓee) maa addu 100 mw e maayirɗe satambara. Haa ɓuuɓa woɗɗinii keyɗuɗo. Selenek wayi no jedditiiɗo Abdullaay Wade e Kariim wiynooɓe ko e darorɗe satambara Senegaal seertata e kuppugol kuuraa. Ko jaaynde Enquete haaldi noon. Jaaynde nde hollitii nani haalee tan ina dirtinee, lebbi fof kawritii, feere moƴƴaani tawo. Jaaynde Le Point du Jour arti ko e ngonka Senegaalnaaɓe wonɓe to Libi. E ko jaaynde ndee haali, Senegaalnaaɓe wonɓe Libi ngoni ko e ngonka kaaɓniika sabu tuumeede ɓe ko kamɓe ngoni ñukkindantooɓe Kadafi. Jaaynde Stades kañum arti ko e lappol ekip fukubal Senegaal e ɗaftondiral ngal. Jaaynde ndee habrii e nder kihondire 5, ɓe poolii 4, ɓe tihondiraa gootol. Ɓe naatnii baluuji 14, ɓe naatnaama 2. Ko ɗuum waɗi jaaynde ndee inniri ɗum «’lappol poolgu’.
|
LGN
