LGN 15/10 Buleet e nder Ndakaaru!!! Maayɓe kanngii e nder ɗee balɗe tati. Gollotooɓe meeriiji Ndakaaru pilñitiima sabu mumen yiɗde mbaylaandi kesiri e nder gollorɗe mumen. Ngoon filñito waɗii haa gollorɗe meeriiji keewɗi ko ko teeŋi ɗee balɗe; wonaa kaayit juddu wonaa gubbugol maayɓe juulɓe.

Maayɗo kala e ɗee balɗe e nder Ndakaaru hawraani heen, sabu janaale gonɗe e juuɗe meeri fof ko ko nguddaa; hay gooto ubbaaka maa won jooni balɗe tati haa mooftirɗe gooski (morgue) keewɗe e nder Ndakaaru ngoytiima jooni maayɓe heewɓe ina ndaŋi ubbeede, ɗuum ko meeɗaani naneede e nder Ndakaaru.

E haala Abdulaay Bodaŋ gollotooɗo to mooftirɗe gooski Principal, ngoo filñito addanii maayraaɓe tuuba-horde sabu wonaa tan maayɓe ngubbaaka kono kadi kala mo woppi toon maayɗo mum ina hasii yoɓa hoore e laaci (ko heewi) so arii e tottireede maayɗo mum. Ko ɗuum nih tagi haa won heen pelliti ko ubboyde maayɓe mumen e janaale goɗɗitiiɗe hay so wonii joom mum en ɓurnoo yiɗde ko ubbude Yoff.

Filñito ngoo kadi tampinii miskineeɓe heewɓe haa arti e janngooɓe yiilotooɓe kaayitaaji judduji sabu joom mum en mbaawaa winnditaade jaŋde caggal ngalaa jidduuji etee lajal winndito duɗe keewɗe woni ko e timmude. Ina jeyaa heen Rugiyatu Aamadu Jallo mo Grand Yoff kollitɗo en so wonaa juuɗe juutɗe njanntaani heen, jaŋde makko hikka to duɗal ASAFIN aawoto hikka sabu so o leelii ina hasii o waasa heɓde jooɗnde e nder duɗal he sabu ngal yaawde heewde.

E haala makko kadi, haawnii heen ko hay no filñito ngoo wayi nih, kala joom en kaalis annduɓe galleeji feewnooɓe kaayitaaji ɗi ina njaha toon ngam soodde judduuji.

Binndol Umaar Tokosel Bah, Lewlewal Group Networks, www.mbiimi.com

• Add New
• Search

Comments (0)

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom