Lewlewal Group Networks (LGN) ||| kabaruuji Fuuta e Winndere |||
| Coftal ɓalli : Abdullaay Maktaar Joob suɓaama jaagorgal |
Ɗum waɗi hooreejo leydi Senegaal hono Wadd itti jaagorɗo kalfinaaɗo coftal ɓalli tottii ɗum Abdullaay Maktaar Joob garɗo e maɓɓe ko ɓooyaani. Baaba mum Kariim Wadd waɗii ko heewi waɗde, so rottude gila defnooɗo artaani. Ndeen jaagorgal kalfinaangal coftal ɓalli hono Fostee Jaata artaani njillu mum tawo etee ina woni e pooɗee nduuree hakkunde mum e sukaaɓe waɗooɓe fuku junngo kaggu (basket) e gardagol Baaba Tañnjaa, ɗoon e ɗoon o itti mo, o lomtini ɗoon Abdullaay Maktaar Joob gonnooɗo jaagorɗo kalfinaaɗo golle e mbaylaandi mum. Ko kabaaru mo rajo e tele Senegaal fof kabri won'de Joob lomtiima Fostee Jaata e jaagorgal coftal ɓalli. Hikka waɗi duuɓi noogaas ko Joob wonnoo e ngaal ɗoon jaagorgal, gila 1988 haa (1992) e sahaa Abdu Juuf e lannda Ps. Hannde o tafii lannda makko kadi o yehii teŋkoyde laamu to Wadd e Pds. Hade ɗum nih, e ñalngu batu laamu ɓennungu ngu, Wadd fuɗɗinooma « jamfaade » Jaata, sabu ko ndeen o wiyi haŋkadi kala nde Senegaal waɗata fuki coftal ɓalli maa wood nulaaɗo keeriiɗo ngam toppitaade njiɓɓudi ndii muum hay so jaagorɗo oo ina ɗoon. Jooni haa njiyen ko hocceere jibini, sabu ko Wadd ari ko heewɓe ndewi ɗoon : Sose, Sosef Ndoŋ, Dawuuda Fay, Isaa Mbay Sammb, Mammadu Lamin Keytaa, e ko nanndi heen haa wayi no leydi ! Binndol Usmaan Makka Lih, Lewlewal Group networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN
