LGN 15/10 Barkeeji jiyii subaka fitina bonɗo e alkamiisa ɓennuɗo oo; hareeji ɗiɗi ɗi njiidaa, gaañiiɓe heewɓe, heen gooto ko njogoram mum soppaa. E oo subaka alkamiisa ɓennuɗo, pullo cannoraajo nootortooɗo e innde D. Ñaawel haɓii e seereraaɓe ko ina tolnoo e njeetiɗo so famɗii haa ɓeen piyi mo piggal muusngal. E nder heen woodi koreeji D. Ñaawel oo nani hare nde, ngari njanti heen haa wonti njinnguru mawndu. Ina tuumaa noon addi hare nde ko juumondiral caggal njaram saŋngara. Haɓɓe ɓe ina nganndiraa oon jikku.

Duum ina haalee gasaani haa hare woɗnde nde fiyondiraani e arwaniire nde waɗi. S. Soh haɓi e sehil makko pullo bisnaajo, oon soppi mo jaasi laabi 15 haa o taƴi njogoram makko. Ina jeyaa e ko waɗdi ɓe S. Soh salimin'de coppuɗo oo. Ko ndeen oon wiyi mo :"miin wota salmin am, sabu gila mbadduɗaa e koreyol am haa coppuɗaa ɗum, ko mi jaltuɗo e geɗe ma." 

Ko ndeen S. Soh jaabiimo, "mi salminii, so a welaaka tan wota jaabo." Ko ndeen coppuɗo oo ƴattii S. Soh. Ko e kaan haala rewaa haa ɓe kaɓi haa ke kaɓi ɓe ceerndaa. Ko caggal nde ɓe ceerndaa, S. Soh yahtiri caggal kono fergitii tawii ina duufta jaasi mum. Ko nde o yani, kaɓdiijo makko sorti jaasi mum woni e soppude.

Hannde noon S. Soh nana safrorde Luga; coppuɗo oo woni jooni ko e juuɗe laamu Linngeer. Nawgol mo Linngeer noon waɗii caɗeele sabu sukaaɓe sannoraaɓe faddoraade oto sanndarmaaɓe ngo jaasuuji e cabbi ngam yoftaade gila cuppuɗo oo sokoyaaka. Ko maa sanndarmaaɓe ɓee mbaɗdi heen masaala ko juuti hade sukaaɓe sannoraaɓe ɓe ɗaccude oto oo ɓenna e dow jam.

Jaaynde L'Obserɓateur (L'Obs) yaltiniino kabaaru oo e dow heñaaru kono ko ɓe kabrunoo koo firtiima. E ko ɓe kaalnoo, ko seereer yardatnoo saŋngara e sehil mum pullo haa ɓe kaɓti. E nder heen L'Obserɓateur habriino ko seereer oo soppi pullo oo e njogoram. Oon kabaaru noon firtiima sabu ko hareeji ɗiɗi ɗi njiidaa jaaynde ndee jiiɓindiri.

Binndol Isaaga Jallo, Lewlewal Group Networks, www.mbiimi.com

• Add New
• Search

Comments (1)

• 2011-10-28 18:06:30 | almuudo Ngay  - soppii tan

  oo jikku haa jooni woppaaka, jaasuuje tan e fitinaaji bolle puuyze, meere addaani haa laamu ina muusani dowri

  • 1
  • 0

  ReplyQuote

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom