Lewlewal Group Networks (LGN) ||| kabaruuji Fuuta e Winndere |||
 Roɓindo jaayndeeji Mali: Basiir Sinuun arnoo ko tineede; boy laawii nay |
| Roɓindo jaayndeeji Muritani: Ndaw cariindi e Muritani! |
| Roɓindo jaayndeeji Mali: Suɓngooji hooreejo Mali 2011 mbaƴƴinii barmeeji, kono dorog .... |
| Roɓindo Jaayndeeji Mali: Hakkunde nguyka cefe na’i e ruuɗo ATT |
| Jaayndeeji Senegaal 23 Ut : « Wadd waɗii, wiyii, wiyaama... » |
| Written by Mammadu Sammba Kah on Thursday, 25 August 2011 22:44 |
M23 renndinii sarɗiyankooɓe heewɓe ngam naamnitaade ɗumen mbele sarɗiiji dowrowi Senegaal ina ndokki Abdullaay Wade jeyeede e suɓngooji garooji ɗii. Ko Le soleil e hoore mum adii wiyde : « annduɓe sarɗiiji dowrowi ɗii ndiiwtii jeyegol Abdullaay Wade e suɓngooji 2012. » Le Soleil ina limta profeseruuji : Baabakar Gey, Muniiru Sih, Abdullaay Jeey, Hamet Njaay, konngol mumen ko gootol. « Wade waawaa jeyeede e pooɗondiral garowal ngal ». E ko jaaynde ndee winndi, Aliyuun Tiin gooto e ardiiɓe ɓee kam e wondiiɓe mum ina pelliti heen huunde fof ngam falaade Abdullaay Wade.
Walfadjri wiyi ko Profeseer Baabakar Gey kay ina jeyaa e winndunooɓe sarɗiiji ɗii. Oon wiyi ko ɓe nanondirnoo ko Abdullaay Wade haaɗata ko e manndaaji ɗiɗi tan. Le Populaire habri kañum ko Meeter Duudu Ndooy gondunooɗo e Abdullaay Wade kañum riiwti ko Wade kam e jogorɓe ñaawde geɗe ɗee fof. E wiyde makko ‘’Mi wiyi e nder jaayndeeji Abdullaay Wade waawaa jeyeede e woote 2012 etee ko e sara makko ngon mi. Kala ko waawi heɓtaade mi heen miɗo fadi, koo mi hollirii waawataa wonde. » Le Quotidien winndi : ‘’ Jooni kam jimol ngol nattii hoto mo memi sarɗiiji leydi am, ngol wontii Hoto Wade yettin ñuumbordi mum to jaɓooɓe woote too. Aliyuun Tiin e ko haali e jaaynde ndee « yimɓe ɓee potaani sabbaade tan haa ñaawooɓe ɓee mbiya o waawaa jeyeede heen ndiiwta mo, eɓe poti ko salaade o yettina ƴamordi mako lefol laamu. » Le Messager wiyi kañum ko jaɓaani haala Baabakar Gey kaa. Jaaynde ndee rokki konngol Mammadu Bammba Njaay jaagorɗo e laamu Wade biyɗo : haala jeyeede heen walla waasde jeyeede heen, wonaa haala sariya ko haala politik. Hade ndeen Seriñ Mbakke Njaay jeyaaɗo e laamu nguu ina habra : « Abdullaay Wade fadi ko e yamiroore hlifaaɓe diine ɓee. » E nder La Sentinelle Seek Saar meer Geejawaay habrii « sahaa waɗ waɗee gasii ko ɓooyi e dingiral politik. Jaaynde Siweul ari haalde huɓeere yannde to leegal Waakinaan haa cukalel gootel maayi heen hedde yimɓe 20 mbarmi heen. Jaaynde ndee habrii huɓeere ndee yani ko e arnooɓe tawtoreede yeewtere diine nde Ustaas Aliyuun Sal mo Sud Fm waɗatnoo. Kanko nih e hoore makko o gañiima. Walf Grand Place laɓɓitini ko cukalel ngel lebbi 6 maayi heen, Ceernaajo baɗatnooɗo yeewtere oo daɗiii. Stades finira nate fettooɓe e defaas Senegaal. Sileymaani Jaawara, kadeer manngaan e Paap Maaliku Jakite. Jaaynde ndee habri ko ɗiɗo tan kebloowo ekipoo wawi suɓaade e nder tato fotɓe doole. Binndol Mammadu Sammba Kah, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN
