Lewlewal Group Networks (LGN) ||| kabaruuji Fuuta e Winndere |||
| Senegaal-Muritani-Mali: Ñaw gite jappilii gure |
| Written by Umaar Tokosel Bah on Friday, 19 August 2011 04:45 |
Ñaw gite biyeteeɗo appoloo naatii kadi e nder leyɗeele afrik gila Muritani haa yettii Gammbi. Ñaw oo, hay so in a teskaa o mo heewi artude e oo sahaa, ko hikka o ɓuri bon'de e nder ndaaɓu sabu makko teskeede won e sahaaji hirbude galle fof laawol gootol. E yowitaade e cafroowo Samane to Bakkel, so o arii e neɗɗo, o adortoo ko muusu gite haa joom mum waɗta tooñaade; ko ndeen gite joom mum ngojjata kadi ɗe ɓulde dondonnde. E haala makko kadi, ñaw oo ari ko tawii o feewnditanaaka sabu korƴorkon gite in a ŋakki e nder leydi ndi nde tawnoo o sooynanooka etee ndaaɓoor makko ina yaawi. Ñaw oo noon ina tampini hannde gure dowri nde tawnoo o ari ko e saanga golle ndunngu kono kadi gure mawɗe keerani heen sara sabu buubi heewde. Gollorɗe keewɗe in a tini bonan'de oo ñawu sabu gollotooɓe raaɓeede ñawu oo. Haralleeɓe cellal ina ndarii e hirjin'de yimɓe e sooɗoraade saabunnde e kala sahaa haa arti e saanga ñaamde kañum e hippude ñamri gila buubi njuuraaki heen. E tesko ñaw appolo ina duumii e afrik no feewi e ko haralleeɓe cellal kaali sabu o ɓuri raaɓirde e salmondirde juuɗe ñawɗo gite tooñiiɗo. Sabu dente leyɗeele afrik tettin'de salminaali junngo e junngo, doktoreeɓe mbiyii ko ɗuum addani mo yaawde saraade. Fedde doktoreeɓe senegaal wiyeteende PNPSO hirjinii nde yimɓe celalta salmondirde e ñwɗo gite wolla nih nde ngustata hokkondirde juuɗe, nde yeeyooɓe ɓoornotoo kawase juuɗe (gaŋuuje) so in a keɓɓoo kaalis haa nde ñawi oo daaƴi hoore mum fof. E ɓe mbasiyii kadi nde yimɓe celata etaade safrirde ñawu oo limoŋ, sulmaade ndiyam geeƴ wolla uraade koɓje leɗɗe. Binndol Umaar Tokosel Bah, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN
Min foode soh mido ma salmina haa no feewi wonaa seeda.mido yidi nuldaami e kasetaaji maa qurana dii.mbele mi waawat heen naagitaade no haanirtyanii.wassalaam.