LGN 18/8 So loocel kuudi ƴettaama, cuttuɗo e cuttaaɗo fof moddat. Ko ɗuum kewi Muritani! Binditol rewaŋkooɓe addii fitina no feewi. Ɓaleeɓe leydi ndii haa arti e haal-pulaar en ngoytiima heedi heeda e riiwteede e ngol binditol toɗɗiingol ɓiɓɓe leydi ndii kala ɓe duuɓi 40 fayi dow. E ko stateafriŋue.com winndi e yowitaade e boolumbal.org leñam-leñamaagu uurii rewo. E nder oon guumu binditooɗo e hoore mum, e nder 19 wonɓe heen ɓe, ko heen gooto woni ɓaleejo; heddiiɓe ɓee fof ko safalɓe woɗeeɓe. Jaaynde ndee kadi hollii ko fotde winditteeɓe e tabitin'de jeyeede mumen Muritani etee ñaawoore gooto kala won'de wolla waasde won'de mum muritani-naajo woni ko e juuɗe oon goomu mo 19. E raɓɓiɗde ehaala, weli Hammee, Hammadi woni rewaŋke, metti Hamme, Hammadi wonta arani mo alaa ngenndi.

Flamnet.info yahraani heen seese, sabu fedde Flam kañum e dental in a wiyee "Touche pas a ma nationalite" (wota mem ngenndiyankaagal am) woni ko e lulnde yoo ngaal bindital dartine. Seppooji mbaɗaama gila Paris, Washington, Bruxelles, Senegaal haa e nder Muritani. E ko Flamnet haali, hooreejo fedde Flam reentinii laamu Muritani: "ɗaccee ko mbaɗoton ko wolla ko ari fof ko onon ngaddi".

Jaaynde "Le Calame" ƴeewi ko yiiloyaade ko ko waƴƴata e ndeer boto-boto lanndaaji laamiiɗi. E wiyde maɓɓe luural mawngal ina toon: lannda MPR e AJD/MR noddii lanndaaji laamiiɗo fof nde kawrata e haala hol no poti nanngirde ngal bindital. Yoga e jeyaaɓe e moɓal lanndaaji laamiiɗi (CMP) mbelaaka no golle ɗee njahri nih haa heddii lannda PRDR toŋtuka ngal bindital. Mbela maa ɗum addu ŋirni-ŋarna wolla maa wontu reedu leliindu? Calame yettaaki toon kono tan lanndaaji laamiiɗi njooɗii ko e jonnde mbayla: dow wulii, les wulii, kammu ŋabbotaako! Laamu jaɓaani nan'de ciikaali ɓaleeɓe saliiɓe ngal bindital heedi heeda kono kadi hersiniima faalkinaade sabu sawru nduu woppaani heewɓe: wonaa joom en gure, laamɓe, anndaaɓe, alɗuɓe e miskineeɗe fof. Hay gooto biyoowo mbiimi wooraaka!

"Le Calame" kadi artii e ñaaawoore yimɓe IRA ɓe laamu nanngiri sabu tuumde ɓe jeyeede e fedde nde yamiraaka kañum e haɓtaade laamu. Ñaawoore waɗnde pooɗee nduuree no feewi; kono famɗude daliilu to baŋnge laamu won'de ñaweteeɓe ɓee ngoofii laawol. Ko ɗuum nih waɗi haa anwookaaji IRA ina tettini ɓeen nanngiraa ko sabu miijooji mumen luutndiiɗi laamu kono wonaa sabu mbaɗii gollal luutndingal laabi e saɗiiji leydi ndi.

Flamnet kadi artii e daartude nguurndam Abdul Asiis Sall, gooto e rewaŋkooɓe gollaninooɗo leydi ndi e nder nguurndam mum. Ciftol golle makko mawɗe e nguurndam keewɗam filla e barke!

Jaaynde "Veridique" suurtii ko ñummbetee e birooji laamu, so waylo-waylo e nder jappeeje jaagorɗe. Mbela ko ñoore ɓe nantini wolla ko jeewte les "tillisa" tan? Ko woni fof maa laaɓ tawde rewo alaa sirlu kono kam ɓe kaalii maa jaagorɗe ñaawirdu, nder-nderiije e ndeenka nder leydi, kañum e jokkindire caggal leydi mbayle ko ɓooyataa. Ina haalee ko ngam sakkan'de caɗeele gonaaɗe ɗe hannde feere mbaɗi ɗum so woodii.

E ko raɓɓii e haala koo tan e ko feeñi e jaayndeeji rewo ndee yontere, ko ɓaleeɓe mbiyii loppet, laamu faalkiniima, safalɓe mbaɗii baalaaje ɗiɗi, ɓeya toŋtii laamu, ɓeya mbaɗaani ɗum ngoƴa.

Binndol Umaar Tokosel Bah, Kampala Uganda ngam Lewlewal Group Networks, www.mbiimi.com

• Add New
• Search

Comments (1)

• 2011-08-19 08:03:13 | jibi kebe

  a jaraama umar tokesel bah,laaɓi faamniima yoo alla won ballo,kono a woɗɗi baltimor,yo alla bonnu abdul asis e laamu mum,ko laamu kuudi lawƴiraandi coofe,njaafoɗon e koŋngol he ko sekkere waɗi noon

  • 0
  • 0

  ReplyQuote

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom