LGN 08/14 E nder jaayndeeji Ndakaaru e aset oo, haala sippiro liɓii haala politik e geɗe renndo. Sippiro hakkunde Yahya Joob lollirɗo Yekini e Balla Gay 2  ɓurii artude e jaayndeeji ɗii. Sippiro ngoo wonaa tan mbiruuji ɗii, kono yuɓɓinooɓe ɓee e koye mumen ko ƴukkiiɓe. Ndeen Wade Luc Nucolai juɓɓinoowo lammbaaji foolii hono mum Gaston Mbennge nde fiɓondirii kommbaa ɓurɗo mawnude e hitaande ndee. So tawii mbiruuji ɗii ngoni ko e guurte ndunngu, yuɓɓinooɓe ɓee kañum en ko jooni nganndata so naggel mum ɓesnii.. Hay so tawii njoɓdi ndii koko suuɗaa tawo, Sunu lamb e yoga e jaayndeeji nani njeddondira e ko ɓe potata yoɓeede ; 150 miliyoŋ wonande Yekini, 120 miliyoŋ wonande Balla Gay 2, yo wonan le populaire. Sunu lamb wayi no jedditiiɗo ni nde habri ko 200 miliyoŋ Yekini heɓata, Balla Gay 2 heɓa 175 miliyoŋ. L’As kañum ɓuri teeyde nde wiyi alaa mbir keɓoowo ko ŋakki 100 miliyoŋ.

E kala ko waawi wonde njoɓdi ndii, yeeɓooɓe ɓee kam ina mbaawi dañde ko ñammini gite mumen e wiyde Le Quotidien.  Walfadjri sooynii sippiro ngoo ko hade lewru samwiyee wonande ngoon sippiro ngo Luc Nucolai heɓti e Gaston Mbennge jiɗnooɗo ɗum yuɓɓinde.

Walfadjri ruttanii haala Muktaar Gey mo Jamra haalnoo to Tuubaa, so tuumde serindiiɓe ɓee waɗdude junngo e debbati-gorkati en. E oon fannu, Walfadjri hollitii kanko Muktaar Gey o teelii nde fof en ɗuurnii mo. Wondiiɓe makko to bannge politik, gollodiiɓe makko e geɗe renndo, fof en ngoppodii mo e haala mbonka ka o haalnoo. Woɗɓe woppidaaɓe e koye mumen, ko waalooɓe e mbeddaaji ɓe nguurdaani e koreeji. E ko walfadjri haali, koorka kaa fof e muusde ɓuri muusde koe ɓeen wuurɓe e mbeddaaji Ndakaaru.

Sud Quotidien habri lannda idriisa Sek ina soklii miliyoŋ debbo e suɓngooji garooji ngam ɓennude. Ngaal donngal ko rewɓe wonɓe e lannda makko ndoondii ɗum.

Le Quotidien ruttanii pottital ngal Abdullaay Wade waɗdi e ardiiɓe caaktirɗe kabaruuji. E ko jaaynde ndee haali, Wade rokkii ardiiɓe galleeji jaayndeeji ɗii suukara koorka, sabu hoybinande ɓe njoɓdi pawe e lempooji teddirnooɗi ɓe.

Le soleil yuman jaayndeeji wiyi ko Wade yowii pawe e lempoo pawateeɗo e galleeji muulngo jaayndeeji Senegaal. Ko ɗuum waɗi e nder jaaynde ndee Majammbal Jaañ gardiiɗo fedde muulooɓe jaayɗe ɓee hollitde kala gullitaali ɗi ɓe nawnoo to Hooreejo leydi Senegaal nanondiraama. Ko ɗuum sud wiyata Abdullaay Wade tottitii coktirɗe ardiiɓe caaktirɗe ɓee. Kono Abdullaay Wade e ngaal pottital tagii galle walfadjri, so tuumde ɗum e daraade umminde fitina.

Binndol Mammadu Sammba Kah, Lewlewal Group Networks, www.mbiimi.com

• Add New
• Search

Comments (1)

• 2011-08-15 05:44:22 | thierno sy

  alla jarama a jaraa an e kabarujima beldi e katantaagal ,ma mamadou sammba kan yo alla jokku mbawka junna balde

  • 0
  • 0

  ReplyQuote

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom