LGN 08/14 Hare waɗiino Jaataar e dow pooɗondiral joom wuro. Ina wiyee ko hakkunde toorodɓe e maccuɓe, ɓeya ina mbiya ko hakkunde seɓɓe e toorodɓe. Lewlewal Group Networks, ngam yiilaade heen ko laaɓi etiima jokkondirde e ɓeen wonɓe e nder mbunndi mbunndi oon fitina wolla kam anndanɓe ɗum tigi rigi ngam laaɓtindaade kala ko funndi heen.

Koɗo men hannde ko Abubakri Ñaan, jeyaaɗo to Jaataar. Abu ko gooto e seɓɓe Jaataar jooɗiiɗo to Mbuur. Keɓɗen Abu ko e ñiiɓirde Lewlewal Group to Ndakaaru.

E filla wur ngo, Jaataar waɗi ko toorodɓe e seɓɓe. E nder haŋki mum, wuro ngo waɗnoo ko elimaan e jaagaraf. Toorodɓe cuɓatno gardotooɗo mum en mo ɓe innirta elimaan Jaataar. Oon elimaan noon ko kañum suɓata e nder seɓɓe he gooto e mumen gonoowo Jaagaraf. Oon jaagaraf, ko kaŋko wonata juŋngo ñaamo elimaan, ko kaŋko woni jaalal seɓɓe wuro ngo, e maandiin ko kaŋko woni laamɗo seɓɓe.

Ko noon wuru ngoo ɗowirnoo njuɓɓudi mum haa ko sakkitoo ko, fof waylii ko e goppugol elimaanaagal oon biyeteeɗo Usmaan Aali Sih.

E haala koɗo men, hono Abubakri Ñaan, kala nde elimaan suɓaa, ko kañum suɓotoo jaagaraf. E laamu cakkitiingu, ko Aamadu Mammadu Sih e Usmaan Aali Sih pooɗondiratnoo elimaanaagal wuro ngo. Kamɓe ɗiɗi fof noon ko ɓe toorodɓe; seerndi ɓe tan ko yoga e seɓɓe wuro ngoo nguuraninoo ko Usmaan Aali Sih. Nde Usmaan dañi laamu, o suɓi ceɗɗo biyeteeɗo Tafsiiru Sih yoo oon won jaagaraf seɓɓe wuro ngo. Ko noon woori haa toorodɓe heewɓe e sabaabu mo en nganndaa tawo nduñi elimaan Usmaan Aali Sih nde o ittata jagarafaagal wuro ngo. E haala Abubakar Ñaan, ko ndeen ɓe mbaawni mo e ittude jagaraf Tafsiiru Sih.

Usmaan sabu mum añde waɗde ɗuum, noddi batu wuro ngam ɓooraade lefol elimaan ngol o fiilanoo. E nder cuɓgol elimaan keso, Aamadu Mammadu Sih kadi dikkii lefol elimaan wuro ngo kono yimɓe makko pammini e ngol jaagaraf fiileteeke. Ko oon pooɗee nduuree addi haa seɓɓe wuro ngoo kañum en pilñitii e wiyde so jaagaraf fiilaaka, kamɓe ne waɗde maa ɓe ndikko lefol elimaan ngol e hoore mum. "So min ɗawaama ko min njeyi, so jaagarafaagal, min ndikkanoo ko min njeyaa, so elimaanaagal sabu ko fotde" e haala Abubakar.

Ko ndeen seɓɓe ɓe ngemmbi gooto e mum en hono Abdullaay Njaay yoo oon dikko lefol elimaan wuro ngo. Nde lulnde nde juuti noon maa mettere e taƴam enɗam joli, won mawɗe fuɗɗinooɓe yahde heen moƴƴere baŋ yoo baŋ ha ɓe mbaawni Abdulay Njaay e woppude pooɗondiral ngal. Ñande  fiilngo ngo dawi, ko perefee Podor ari ñaawde woote nge, kono e haala Abubakar tawii ko seɓɓe ɓe ɗaccii pooɗondiral etee ɓe kootii to galle Tafsiir Sih ngam waɗde batu e yuurnitaade ngonka maɓɓe e wuro ngo e no ɓe mbaɗanta lefol maɓɓe. Perefee oo nde ari e haala seɓɓe ɓe, toorodo oo noddaa nootii, ceɗɗo noddaa araani sabu ɓe ngoppii; ko ndeen perefee fiili Aamadu Mammadu Sih sabu Abdullaay Njaay tawaaka.

Hojomaaji seeɗa tawii sukaaɓe toorodɓe wuro ngoo njaltii e mbeddaaji wuro ngo ngam welnere. Fitina oo waɗi ñannde mum ko nde seppooɓe welnere ɓe tolnii e galle Tafsiir Sih ɗo seɓɓe ɓee ndiñatnoo ɗo; won e sukaaɓe toorodɓe ɓe ñiŋi wolla nih lesɗini seɓɓe ɓe e njennoor. Sagataaɓe seɓɓe ɓe naniraani ɗiin malli jam; ɓe palii toorodeɓe ɓe ngam waɗde ngarmi ngaraa. Hare nde waɗii gaañiiɓe baŋ yoo baŋ; nde waɗii kadi nanngaaɓe baŋ yoo baŋ ko in a tolnoo e yimɓe 41. Haa nde ciifeten ndee winndannde, ɓeen in a padi ñaawoore to Podoor. Ina e nanngaaɓe ɓe Jaagaraf seɓɓe ɓe hono Tafsiiru Sih jahroowo e duuɓi 72 hay so tawii heewɓe ceedtiima o jeyaaka e haɓatnooɓe ɓe kono o tuumaa ko urɓude seɓɓe ɓe e nde ɓe naŋtotoo e jeyal maɓɓe so jaagaraafagal e haala Abubakar Ñaan.

E naamnal Lewlewal Group e nguurndam Jaataar e ko fayi arde, Abubakar hollirii sunaare mum e ndee hare kañum e yiɗde yiyde enɗam hakkunde ɓiɓɓe Jaataar. E wiyde makko, seɓɓe e toorodɓe Jaataar koɗdii duuɓi keewɗi e nder enɗam, newaare e beldal. Yiɗde makko ko yiyde gooto fof in a artiri hakkille mum kañum e anndude ko Alla waɗdi koɗdigal seɓɓe e toorodɓe Jaataar ndeke yoo gooto fof muñ goɗɗo oon, hokka ɗum fotde mum, ɗooftoo needi wuro ngo. "Mo woni fof so dañii fotde mum e dow goonga tan, jam, jaleeɗe e beldal wonat e wuro ngo" e haala Abubakar.

Lewlewal Group Networks etiima yeewtidde e won e toorodɓe wuro ngo ngam heɓde heen konngol mum en kono haa nde mbinndeten ngol ciftol en ndañaani hay gooto jaɓɗo feññin'de heen innde mum. En etiim kadi heɓde perefee Podor ngam dañde heen miijo makko kono taariiɓe makko mbiyi en ko perefee heɓaaki.

Binndol Abu Gay, Lewlewal Group Networks, www.mbiimi.com

• Add New
• Search

Comments (6)

• 2011-08-16 08:09:56 | jibi kebe  - njaaden e saha

  so tawii ha jooni leñol fulɓe ine kaɓa,sabu bone kinɗe,firti ko won ko heddi e pinal men ha heewi,aduna hannde ko aduna potal leƴƴi kono wonaa heddaade e adaaji ɓooyɗi teppuɗi ɓamtaare fulɓe,eɗen njogii ha heewi ko foti wonde hare fulɓe ko wonaa ɗee geɗe,kaamniiɗe farnoraade e ooɗo saha;yoo alla ittan en ɗee caɗeele

  • 0
  • 0

  ReplyQuote

• 2011-08-17 05:18:06 | arndo  - diatar

  min com genaration les annes 1980 min tawwi toorrombe et galounkoombe mboni fof ina wanda tourouji mum en bannge .soo taawi hande 2011 yoggo e mon mbiiyi yoo mbii sembbe par la force wawta wonde.kalla ko arri DIATAR hande ko onnon mbandi sabuu hay gooto meenda wiide nendo soo woona inde mum.mon fof ina andi gondo ko wooni.

  • 1
  • 0

  ReplyQuote

• 2011-08-17 13:55:30 | Misra Dieng  - kaalen goonga taw

  Ko adii fof yoo yimbe bee nganndu minen sebbe hiinnde amen ndee wonaa ari oyyo, amin nganndi kala wuro ngo ceddo woni e nder fuuta. Jaataar alaa ceddo hodi e jaataar. hare nde ko: hakkunde maccube e toorobbe okay. so tawii innde maccudo ene change ko fuuta kala foti joodaade be ndokke innde baade be njidaa wi"ede maccube. pourqoi be mbi"ataa ko"e mabbe toorobbe walla fulbe wolla subalbe. mate ko ceddo be njawi?

  • 0
  • 0

  ReplyQuote

• 2011-08-18 04:22:40 | Almuudo Ngay  - ina hersinee

  hono no Jibi Kebe wiyri nih, ndee are ina hersinii. Hannde zo aduna oo yahrata zo, ko zum haaletee? Mate ve njiyaani Obama lamiizo amerik ko jokkere etee valeve e nder afrik fof njiyranoo ko maccube. Kooni ko Fuuta tardi... ndaw ko hersinii

  • 0
  • 0

  ReplyQuote

• 2011-09-03 18:49:45 | Anonymous

  mahamadu ba ca gal yettude alla he juulde he muhamed mbido yetta lewlewal he darnde mum mawnde nde darani pulagu so tawii ko kinde kaaleteede de duum ko bolle puyde ala ko hadi fulbe bamtade so wonaa mawninkinaare miin mi wiya ceddo ardotakomi goddo wiya maabo goddo wiya torodo goddo wiya maccudo goddo wiya cuballo eske ko goonga ngonden miin leñol gonngol ina waawi ardademi duum wona porobileem fulbe mbii ko bannda ñami tuuti buri ko goddo ñami doli mi hokka mi sal miin komi jaalalo mawnam meedi torade debbo jawjawo be mbii be ndokata yalalbe ko abe ndoka leñol gonngol ngol wona fulbe mahamadou ba jeyado senegaal tambakounda nani jodido barsaluna so tawi halaka fewani mido tori yafuya so woninosago yitere woyata

  • 0
  • 0

  ReplyQuote

• 2011-10-01 03:04:06 | syssanwade

  min de kami najo e hala seikou niang o biyo jaatar gila dawa dawi ko ceddebe e totbe ngoni ton 0yo yafomi ko mawnam, kono oh halani gonga.ka mi tawi ko none firtotako sabu ndene ko futa fof firtoto e horé mum.elimane jaatar joni onone tawi ko wuro ngo ena habi en aucun cas o wona sababu haré jaatar.min jaatar ngandunomi ko "harmonie" tolnido en baba wiye baba , gidjirado ko ngidie tan , sehilma ma né ko sehilma ko mayde seredanta one.wuro jogi ko "équilibre" gotto fof no joggi hajumum: saké , torodo gawlo, baylo etc.hande simi umima mi wi kami baylo mami wiyye ala koy en nganda dum.ko waylube caloto dum.jaatar none anda ko woni ceddo , holo sababu amine tota diagaraf am yimbbe mamine ngada?djagarf joni one ko galunke ngonga so yonti yo hallé.so tawi hande galunkobe jaatar bi ko ceddébé ala bassi kono ebe mbawa ebde gedale mambé e wurongo.
  njafodone mbididi kono mi ekeki widude pular
  yo diam wal e futa men

  • 0
  • 0

  ReplyQuote

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom