LGN 09/08 Jaayndeeji Ndakaaru ko ɓuri heewde ngarti ko e yah-ngartaa waɗooɓe politik mbaɗi to Tuubaa e ɗee balɗe tati. Ellee maa mbiyaa ko Tuubaa taƴata ɓenna e nder leydi ndii.  Kono ko ɓuri ko tiiɗde jaayndeeji talaata ɗii ko haala mbonka ka gooto e wondiiɓe Abdullaay Wade haali toon, hono Muktaar Gey biyɗo wonɓe e haɓaade Abdullaay Wade ɓee, ko ɓuri heewde heen ko debbati gorkati en njogii ɗumen to caggal leydi.

Kaan haala Fedde saliinde hooreejo leydi Senegaal wiyeteende M-23  hollitii ko ko yettinta ɗum laawol ñaawoore. Ko ɗuum le populaire wiyi haala jeyagol Abdullaay Wade e pooɗondiral suɓngooji garoooji addii dille hakkunde wiyɓe ina wona e saliiɓe ɗum. E ko Populaire haali, kaan haala wattindoyta ko to ñaawirdu. Ko Aamadu Aali Kan, Asan Jooma Njaay e Alhajji Juuf ngoni anwokaaji jogorɗi hujjinanaade fedde M-23 mo tuumo jokkondirde e debbati-gorkati pawaa e dow mum.

Kaan haala tuumo  dillinii to ɓuri toowde e ngardiigu leydi ndii e ko haali Walfadjri. Ɗum haɗaani e wiyde Observateur Muktaar Gey teeŋinde hannde, ko o haalnoo to Tuubaa ñande alet ndee.

Le Point du Jour yiɗi wiyde ellee haala gondiiɗo Abdullaay Wade kaa feewnitaaki hay wondiiɓe mum ɓee. Kono ɓuri anaade heen ko deftere tonngol inɗe e leyɗeele ɓeen tuumaaɓe jokkondirde e maɓɓe, nde ɓe totti gardiiɗo laawol Muriit oo. Ngam ustude tooke baawɗe jibineede e kaan haala, jaaynde ndee holliti Sakariyaa Jaw koolaaɗo kuuɓal galle laamorgo kam e Usmaan Ngom jaagorɗo kisal leydi ɓamii elikopteer pooɗanii Tuubaa.

Haala kaa gasaani, sabu e nder yeewtere nde Muktaar Gey waɗdi e Messager, o hollitii so jeddi ɗii keewii, ma o fummit inɗe ɓeen wondiiɓe debbati gorkati en wonɓe e haɓaade Abdullaay Wade.

Tuugnaade e ɗuum, jaaynde L’As wiyi haala kaa ndeke ko jooni fuɗɗii, etee ɗum waawaa  waasde waɗde battane.

E ngoƴa jaaynde Walfadjri, so ni nattaani fayaa ko e ɓaaw suɓngooji keewɗo caɗeele.. Ɗo woɗɗaani kaan haala, Abdullaay Wade ina ŋaaftira les. Enquete wiyi ko ɓesngu Abdullaay Wade nani e dingiral ngal ngam wallitde renndo ngoo to bannge balle To bannge coftal ɓalli e fannuuji goɗɗi pooɗtooji yimɓe, ɓesngu Abdullaay Wade luutetaake hay kewu ngootu.

Binndol  Mammadu Sammba Kah, Lewlewal Group Networks, www.mbiimi.com

• Add New
• Search

Comments (0)

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom