Lewlewal Group Networks (LGN) ||| kabaruuji Fuuta e Winndere |||
| Ñalɗi ɗemɗe ngenndiiji : Kaaliidu Jallo teddiniri Ceerno Aliw Bah mo USE |
Senegaal ina anndiranoo mawin'de ñalɗi ɗemɗe ngenndiije no keewi kono ɗuum dartinooma haa ko Kaaliidu Jallo jooɗii e jappeere jaagorgal kalfinaaɗo jaŋde. Kaaliidu artiranii ɗemɗe ɗee nguurndam mumen. E nder heen, hitaande fof jaagorgal jaŋde in a yuɓɓina ñalɗi ngam mawnin'de e hokkude ɗemɗe ngenndiije fotde mum'en. Ko hikkanoon woni daawal 36ɓiiwal.
Hikka noon Kaaliidu suɓii ko Ceerno Aliw Bah, hooreejo USE ngam ardaade ñalɗi ɗi. Ngaal teddungal ko mawngal no feewi e teeŋtin'de laamu in a teskii golle makko e ɓamtaare pulaar. Ko ɗum kadi teddungal pulaaku mawngal haa arti noon ñalɗi ɗii hikka mbaɗata ko nder Fuuta haa e nder wuro ɗo Ceerno Bah oon e hoore mum jeyaa. ñalɗi ɗii ko tuggude 8 haa 14 Septembre 2011. E ɓataake gummiiɗo e Kaaliidu Jallo mo Lewlewal Group Networks heɓi, ñalɗi ɗii puɗɗotoo ko Wurosoogi ñande 8, ɗi ngasoya e nder Ndakaaru ñande 14 Septembre. E ciftoor USE ko fedde nde Aamadu Maalik Gay e wonndiiɓe mum cosnoo ngam ɓamtaare e ballondral. Fedde ndee hannde in a wuuri no feewi ete in a darii e wallude miskineeɓe gila e safaare (cafrorɗe beeɓɗe), nguura (ndema sewo sewo) haa e jaŋde ɗemɗe ngenndiije (duɗe), ekn. Ceerno Bah noon ko kañum ardii fedde nde ɗii duuɓi fof. Ko ɓooyaani ko, o dañiino teddungal mawngal to Dowlaaji Dennduɗi Amerik e juuɗe catal USE to New York. Hannde noon e dingira USE ɗo e Centre Aamadu Maalik Gay, weltaare nde in a feeñi e jeese hay gollodiiɓe Ceerno ALiw Bah gila e Mammadu Joob, koolaaɗo kuuɓal USE haa e Faatimata Sih jogiiɗo kablol maɓɓe, Habii Saar (joom suudu Aamadu Maalik Gay) haa kadi yetti e gollotooɓe e galle oo ɓe keɓɗen yiilaade heen ɓeto mum. Ina heen Sumaare e Miika Lom, Miikaa Njaay. Kamɓe fof daande ko wootere: Ceerno ina haan'di teddungal sabu tiiɗnaare makko e wallude miskineeɓe e ɓamtude ɗemɗe. E ko ɓenni, in a jeyanoo e teddiniraaɓe ɗii ñalɗi: Al Hajji Umaar Futyyu Taal, Ahmadu Bammba, Leopold Sedaar Seŋoor, Lat Joor Ngoone Latiir, Al Hajji Maalik Sih, ekn. E ko jaagorgal jaŋde holliri, hitaande kala ko leñol gootol teddinirtee. Hikka noon ko Pulaar jeyi teddundal e innde gooto e ngenndiyankooɓe mum. E ciftoor, hannde Senegaal yahrata ko e ɗemɗe 20 keptinaaɗe e binndol. Binndol Usmaan Makka Lih, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men.
Comments (3)
Joomla components by Compojoom
|
min calmini moon min mbeltima e mambe men daaribe e mbamtude demgaal pulaar on jarama