LGN
Lewlewal Group Networks (LGN) ||| kabaruuji Fuuta e Winndere |||
 Amerik baŋkii: Senaat hawraani e eɓɓo bata 2011 |
| Bamako: Koola Njaay warii debbo mum, ubbi e nder suudu |
| Mali: Laamu Kuluba saltiima manaaji dalli |
| Suɓngooji 2011: Lanndaaji Mali ndewii feere Benno Siggil Senegaal |
| Catal Flam to Senegaal e joɗnde mum huuɓtidin’de nduu lewru |
| Written by Umaar Tokosel Bah on Tuesday, 12 July 2011 17:51 |
E nder oon kaayit, catal ngal ina eerii keewal jeyaaɓe e ndeen fedde tawtoreede sabu jeewte toɗɗaaɗe ɗe heewde faayiida. E nder ciftoor, yiilirde Flam waɗiino kawtal mum toowngal kuuɓtidinngal to Farayse e nder lewru May 2011. E nder ndeen jooɗnde, kawtal ngal teeŋtinii yiɗde hootde Muritani e nder hitaande 2012. Jooɗnde ndee kadi hollitii yiɗde daranaade no hirnannge Muritani dañiri laamu mum cerindiingu “autonomie” tawa ko laamaaɓe ɓee cuɓotoo laamum mum en tawa kadi ko kañum en njogii yoga e mbaawka laamu ka. Ngoon miijo noon, hay so ngo wonaa heso e nder fedde he, ko jooni ngo ɓeydii teeŋtude ɗoon ɗo hannde laamu Muritani darii e yeeyde leyɗeele daande maayo faggiyankooɓe arani en jeyaaɓe to Arabi Sawdiit e Sudaan. Fedde Flam kadi woytiima won’de laamu Muritani ina jokki e jaɓɓal mum heedi heeda hakkunde leƴƴi e nder binditol mum ngonangol e dow mum ngol jooni. Sabu won e naamne tuumeede naamde kersiniiɗe, kadi leñam-leñame, e ko kalfinaaɗo kablol fedde ndee haali, e ɗum waɗi ngoƴa ɓaleeɓe leydi ndi. Flam, won e pelle hakke aadee kañum e yantude e pelle dente kese ko wayi no “Conscience Citoyenne” ina njokki e woytaade ngaal bindital sabu maɓɓe tuumde ngal yiɗde ustude limoore wolla keeweendi ɓaleeɓe haa arti e haal-pulaar en e nder leydi he. Binndol Umaar Tokosel Bah, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
