Lewlewal Group Networks (LGN) ||| kabaruuji Fuuta e Winndere |||
| Tagofeere Nepterne dañii hitaande mum araniire hikka |
Ɗum fof e haawnaade, tagopeeje njogii duuɓi e kitaale kono ndaw ko woɗɗondiri e kitaale men! Hol no nguurndam me wayatnoo tawa hitaande fof ko 60225 ñalawma? Hay so wonaani ɗo e leydi ne, paamen tagopeeje men kañum en ina njogii duuɓi e kitaale no ɗe njirlortoo e no ɗe piiltondirta e ko’e majje wolla hakkunde majje. Tagofere Nepture, ko hikka woni hitaande mayre araniire gila nde yiytaa haa ko nde jogori timmin'de lofu mayre taaraade naange, ko wiyetee ko e ɗemngal farayse (période de révolution). Gila nde yiytaa e hitaande 1846 ko hikka e hitaande 2011 nde jogori timminde jiilogol mayre taaraade naange. Waɗi noon ko so en ƴeewii, kayre nde timminta lofu mayre taaraade naange ko e duuɓi 156. Gila nde nde yiytaa feewi hannde, ko hikka nde dañata hitaande wootere. Ɗuum hol fof no wonirta? Hol fof no waawi wiyereede ko hikka nde timminta hitaande mayre tawii kayre nde yiitaa ko gila e 1846? Waɗi noon ko so en kiisiima, en mbiyii 20011-1846 =165. So en ngustii 1846 e 2011 heddotoo ko duuɓi 165. Ndeke noon laaɓii cer ko hikka nde dañi hitaande wootere gila nde nde yiytaa. ko hikka woni anniversaire mayre. Ndutto-ɗen e mayre seeɗa kiñɗen nde, mbaawen anndude nde. Hol ko woni tagofeere neptune? Tagofeere neptune; ko tagofeere bulaare, ko kayre woni tagofeere jeetaɓiire (8) immaade to naange. Nde yiytaa ko hitaande 1846. Ganndo jiytuɗo nde o wiyetee ko: Urbain le Verrier, ko o farayse-naajo, kono ittataa noon won ganndo gooto fuɗɗinoo leƴƴaade nde kono laaɓaaka fiyaaku mayre no feewi etee oon huli yaltinde nde gila o yeddaaka nde tawnoo o laaɓaaka tigi rigi: o wiyetenoo ko John Adams, ko o Engelteer-naajo. Caggal ɗuum farayse-naajo o nde yiyti nde, lonngii nde, hiñi nde dow e les nii woni o feññinani annduɓe koode, won'de o yiytii tagofeere jeetaɓiire, ko ndeen wiyetee neptiin (neptue). Ko nii nde siforii: Palal mbeɗu mayre (diamètre) ko: 50 000 km. yolnde hakkunde mayre e naange ko: 4,5 millyaard km. Nde timminta lofu mayre taaraade naange ko gootol e nder duuɓi 165 kala. Ko ɗuum tagi en wiyde ko hikka nde jogori dañde hitaande, gila nde nde yiytaa. Winndaande men aroore, fayata ko e nanngal naange jongorngal waɗde he lewru men korse (juin) he nder mayru kadi lewru ina jogori nanngeede. Maa en ngaroy heen, kaalen gootel heen fof ñande nanngetee e hol to nanngal mum jogori feeñde e winndere he. Binndol Alasaan Kaaliidu Bah, koodiyanke Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men.
Comments (3)
Joomla components by Compojoom
|
LGN
Amin njogorno naatde hoɗande, haadi naange e lewru fof ena njogori jaggeede min cabbo sadakeeji boombi gardooji-ɗi heen ɓurata wonde "moyseer" ko'e kiriis wona!
Caggal ɓuum, a waɗi no ngoowɗa waɗde seydi Bah, a nokkanaama e booñ he. Hitaande hiisir teende duuɓi 165 sinno ko'e nguurdam denɗam Mamma Mboy, o wiyata ke-nde naataande. Mi sikkaani mo heew yeddooɓe. Jooni-noon, heddoto kono njaaraten toon. wonande kala mo yiɗa naywudi ena bisma e ngaal ɗanngal. komi pellitɗo yahde.
Naamnaade no foti duuɓi hade yetteede, addata ko haayteede.
Njoke golle somi arti taw oɗon nguuri mi humpita on, ngati "gediiɗ'om e ɗiɓɓuru wiima reeno jaalal". Yoo ndeeka jom baɗe e baawɗe won'e mon. Miin-kam mi yehi, nelde kam duwaawu.
.