LGN
Lewlewal Group Networks (LGN) ||| kabaruuji Fuuta e Winndere |||
| NJILLU ABUU CAAM : Ngaari laaw e nder fuuta ngam hirjin’de |
Caamel artii kadi, ardii e doole. Ngam rewindaade e hare makko e ko faati e ñawu sidaa, Abuu Caam ganndiraaɗo Ngaari Laaw ƴettii lappol mum. Caggal suɓngo sukaaɓe yimooɓe e dow kawgel ngel ɓe mbaɗi, labaaɓe ɓee ndenndinte nawee e lappol maɓɓe. « E nder teemedde sukaaɓe, ko heen seeɗa tan cuɓaa »
Sukaaɓe yimooɓe, wolla naalaŋkooɓe njimata ko ko faati e sidaa, maale mum, bone mum e hol no reentortee. « Alay sago yimɓe, banndiraaɓe men haa teeŋti e wonɓe e nder Fuuta pinndinee, kirjinee e ko faati e ñawu sidaa. » e haala Abu Caam. Hikka noon Abuu Caam e sete mum ngummotoo ndakaaru ko ñande 23 lewru Marse ndu ngonɗen nduu, ɓe paya Kanel ñannde 24, Joolol ñande 25. So ɓe ngummiima toon ɓe paya Ganngel Sule ñande 27 fof e nde lewru nduu. Abuu Caam noon wiyi ko maa mbaylaandi kesira waɗe e nder golle hee, maa finndine, hirjine. « Jaŋde e dow welnere, pindingol e dow beltakol… » Binndol Usmaan Makka Lih, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
