Lewlewal Group Networks (LGN) ||| kabaruuji Fuuta e Winndere |||
| DEFTERE HESERE: Ngam faamde pelle gollorɗe, njeñcudi e limpo Senegaal... |
Abu Wele, jeyaaɗo to Siiwre Caamɓe e ŋoral maayo to bannge Muritani, gonɗo hannde expert-comptable to Ndakaaru ina jogii talki seedamfaagu mawɗi ɗi ina heen DESCASE (seedamfaagu toowngu jaŋde njeñcudi e ɗowngo pelle) DSG (seedamfaagu toowngu compatble). Jooɗiiɗo e nder Ndakaaru, Abu teskiima yolnde mawnde e nder humpito ngo pelle e jeñcinooɓe jawdi poti rewde ngam gollodaade e laamu e booñuuji. Sarɗiiji lempo e nder leydi Senegaal wayliima gila e nder 2009 caggal nde Abdullaay Wadd siifii kaayit mbaylaandi cañuki pelle e nder leydi ndi, kono haa hannde jiiɓru ina heddii e nder ko’e yeñcinooɓe, yeñcinanteeɓe e won heen nih e ardiiɓe pelle wolla horooɓe ngaluuji. Kiin cañuki ina toɗɗii goodaangal : 1-booñuuji tokoosi mooftooji ngalu ena ñamlira (mitel), ɗum ko yimɓe yonɓe ndenndinta ngalu naamnoo yamiroore laamu ngam waɗde booñ tokooso ena ñamlondira e ko’e mumen walla woɗɓe ena mooftaɗoon koppareeje mumen ena ñamloo 2-gollorde (société) ɓee ɗoo ko kuulal kesal garngal e 2008; ngaal kuulal ko ko feewti e ɓee ɗoon ko hono no booñ mooftoowo ngalu nih (baŋke)ko yimɓe ɗiɗo fayi dow ndenndata ndarna fedde mumen haa ngasna njaha ñaagoyoo yamiroore laamu mete ena mbaawi waɗde booñ tokooso ena mooftana yimɓe ngalu mumen kadi ena ñamlira, 3-fedde no pelle gure men ɗee nih; e yeru fedde ɓamtaare Mbooyo; ndeen ne a ɗaɓɓat yamiroore laamu no ɗeya nih oɗon moofta ngalu oɗon ñamlira. Ngam faamde ɗum, kañum e hokkude ɗeen pelle humpito laaɓngo no joom mum en poti golloraade, laabi e sarɗiiji ɗi joom mum en poti rewde, ko waɗɗii e ko foti fawaade e joom mum en, ina haasii mo woni kala jaŋnga ndee deftere. Hannde ɗo faggudu hesuru raaŋanaa, pelle e dente ngummanii liggodaade e booñooji baŋ yoo baŋ, alay sago ardiiɓe ɗeen pelle njogoo tuugnorgal cellungal mbela joom mum en ina ngannda hakke e hujja mumen, fawre e fotde mumen tawa kadi ɗawaaka hay huunde: deftre La Fiscalité des Systemes Financiers Décentralisés (SFD) au Sénégal ko tuugnorgal ngal kala fedde haani jogaade. Mo yiɗi faamde TVA, TOB, GIE, SARL, SA wolla tan nih peeje gollorɗe pelle e booñuuji, dañi ɗo ɓulni hakkille mum. Jogaade hannde expert-comptable e nder Ndakaaru naamnii ko jawdi kono ndee deftere, ko nde haali fof, sifii fof, laɓɓini fof; ko nde expert-comptable e hoore mum keƴɗo e jayba. Expert-comptable ko kañum foti won’de peewjidiiɗo toowɗo kala fedde malaande, ndeke ndee deftere foti won’de ruttorde kala fedde anniyiinde gollaade sabu kadi deftere ndee toɗɗii ko kala fedde wuro e diiwaan, kala fedde jokkere enɗam, fedde booñ no foti fof, ɗanniyanke miijotooɗo yeñcin’de to Afrik, fedde njeñcudi, kala fedde gollorde jawdi wolla nih tan kala jiɗɗo faamde cañuki limpo leydi e njeñcudi pelle. Deftere nde yaltii to Farayse, coggu mayre ko €20,9. Maa nde ar e Senegaal e nder lewru Mars 2011. E nde waawi soodoode ɗo (harmattan) jooni. Kuɗol Abu Gay, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN
min njettii oozoo gorkaajo ganndo zumzo ko nafoore mawnde no feewi ko wayni sena danye na moxxi,sabu anndude ko wazzima ngandaa ko fawii e maaza