Lewlewal Group Networks (LGN) ||| kabaruuji Fuuta e Winndere |||
 Ittude Fulfulde nder Media ko … eɓɓoore nde Ardiiɓe men Fulɓe jaɓi (2) |
| RTS : Ibirahiima Suleymaan Njaay ittaama to Tele Senegaal |
| SENEGAAL-GAMMBI : Joom en mobelaaji dartiima muguñaan laamu… |
| CUMU : Galleeji 20 cumii e nder Ndakaaru |
| HARE: Al Hajji Njaay mo 2STV lappii Aamadu Mustafa Mbooc, anwookaa Lik Nikolaay |
Ngam laɓɓinde sikke e fitina puɗɗinooɗo ummaade hakkunde 2stv (tele Elhadj Njaay) e jaaynde TFM (nde Yuusu Nduur), jaaynde Rts noddiiɗo yimɓe e ko faati e yeewtere mbela ina faamee hol to caɗeele ngoni, mo woni kala adda heen ngoonga mum haa laaɓa. Kono yeewtere lammba nde yaawii wontude lammba tigi rigi kono kan wonaa hakkunde Bacce Seeraas e Rok Mbalak kono hakkunde El Hajji Njaay e anwookaa Lih Nikolaay. Ɗum fuɗɗii ko e nder coodmaami-coodtumaami hol potɗo ylatin'de lammba ka sabu gooto fof ina siifondiri aadi e juɓɓinoowa lammba ka: mbela ko 2stv wolla ko RFM. Kono e nder yeewtere hee, paamondiral roŋkaama sabu Lik Nikkolaay jaɓaani ummaade e haala mum; o wiyi ko ko o haali ko tan ngoonga, Al Hajji Njaay ne ko ɗoon hay si wonii o yaltinii kaayitaaji seedamfaagu kollirooji ko kaŋko tan jogii laawol yaltind'e kaan lammba. E wiyde Al Hajji Njaay, Lik Nikkolaay waɗaani ko wiynoo sabu Lik sifii kaayit nanondiral hakkunde mum e ardiiɓe jaaynde RFM nde Yuusu Nduur tawii kadi o siifdiino kaayit e Al hajji Njaay mo 2 Stv ngam jaɓde 2STV wona jaaynde wootere waawnde yaltin'de lammba ka. Sabu ko jaaynde 2 Stv e hoore mum tan fotnoo yaltinnde lammba hakkunde Bacce Seraas e Rok Mbalah e ñalawma alet hee. Ɗum woni ko welaani Al Hajji Njaay sabu wontii jamfa so ittude ko mum nawa ɗum to goɗɗo tawi kaayit sifaama. Ko ɗum saabi haa o nawi ɗum to ñawooɓe ɗeen geɗe. Al Hajji Njaay nde waɗi yeewtere to jaaynde mum, nodditaama to RTS ngam waɗdude e Lih Nikolay peñcu. Ndeen yeewtere ndee fuɗɗiima hakke hojomaajo 20, fitina ummii. Hono Aamadu Mustafaa Mbooc anwookaa Lik Nikolaay wiyi Al Hajji Njaay ko… « deedaa… » Alaa baaba mum. Ɓiyi mum Al Hajji Njaay ina jooɗinoo ɗoon kono naniraani ɗum jam, yani e makko, fiyimo hello e hakkille. Huunde ndee jiiɓii, wonti puuɗondiral daaɗe wutteeji, heddii jaayndiyankooɓe e joom en kaɓirɗe Rts, heblooɓe, bismanooɓe, hoɗɓe ina ceernda. Ko noon yeewtere ndee gasiri. Haa hannde alaa ko haalaa tawo kono anndaaka tawo so tawii yaltin'gol lammba kaa e alet waɗ caɗeele... ko heddii koo noon, anndaaka tawo so tawii ndee hare maa yettoyo ñaawirdu... haa yeeso ko laawol... Biindol Usmaan Makka Lih, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men.
Comments (6)
Joomla components by Compojoom
|
LGN
ko ni waɗate sabu e geɗe men keewɗe ko ni ittirte e juuɗe fulɓe gaajor gel goonga tan haa wonta goonga,haame wari en ministeeruuji fulɓeɗi mbayaanino ma ni ,saa wiyiino ɗum ɗo ko bolle puuyɗe aɗacci yawti tan ko ɓuri ɗumɗo bonnde fawe e dow Maaɗa,seydi njaayi,seydi njaayi seydi njaayi yoo Alla hebbin fulɓe hono maaɗa , usta ministeeruji fulɓe mbiyooji kaala taa pulaar ina hersi ni ɓe ,walla jiyooji fulɓe ina nuske kaalata haydaraɗi,yoo jam waal,Bah Hammaat