| Kumal, dewgal e ceergal e nder diine Islam: hol no dagorii? |
| Written by Aamadu Deh (Boobo Ngenndi) on Thursday, 03 February 2011 00:15 |
So tawii ko to baNngal dewgal, dewgal nde sellata alaa e sago ɗee geɗe tati ngooda: 1) waliyyu (keedɗo e kabaaru), 2) teŋe, 3) seedeeji ɗiɗi nuunɗuɗi So tawii noon seedeeji ɗii ndañaaka nde dewgal ngal humetee ndee, ina sella ngal humee, kono Gorko oo e Debbo oo njettondirtaa so wonaa seedeeji ndañee. So tawii ko teŋe ko, ɓuri famɗude heen koo ko nayaɓal meŋkelde, yeru: peccaa meŋkelde pecce nay heen feccere woni nayaɓal. Ina sellana baabiraaɗo resnude ɓiyi mum mboombiri tawa nii o sakkitinaaki ɗum, so tawii ngel hellifaama, so welaama noon omo waawi diisnaade mo. Kono sellantaa baaba resnude ɓiyi mum diwo so wonaa o diisnoo ɗum, so o diisniima oon kadi maa diwo oo wiya ina yiɗi e koŋngol laaɓtungol. Sellataa debbo humanee taw o alaa waliyyu, woni keedɗo e kabaaru makko, foti noon ko jinnaaɗo jibinɗo debbo oo, walla kam lomto oon wooda.
So tawii a arii e juulirde aɗa rewee Tiisubaar, Takkusaan, e Futuro, a tawii yimɓe ina njuula geeƴe, ɗo a juuldad e maɓɓe geeƴe ɗee, so on ngaynii so aɗa yoɓa ngadortoɗaa ko tiisubaar, ndewnaa heen takkusaan, ndewnaa heen Futuro ngo. Kadi yoɓde waktu e nder juulirde e yoɓde waktu e galle, fof ko Gootum. ko Geno woni Ganndo. So tawii mi jaabtaaki naandal ngal no lelnirno-ɗaa nih aɗa waawi artude heen. Ngam jiɗɗo naamndaade naamne keeriiɗe, ɗe joom mum jogii ngaannuma seeɗa feññinde e lowre hee, oɗon mbaawi jokkondirde e am e ɗee ɗoo jokkorɗe: boobongenndi@hotmail.com Binndol Aamadu Deh (Boobo Ngenndi), diiniyanke Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men.
Comments (6)
Joomla components by Compojoom
|
LGN 
miweltima emon