LGN 10/01 Yoga e men njogii saggeede e nder jejjitii njuulu. Won heen ina ngaan’di e ko’e mum so njejitii hol no poti darɗe njuuli e hol no ɗo njahrata e nder njuulu mum en. Winndannde men hannde ko ngam safrude ɗeen caɗeele. So tawii  aɗa juulannoo njuulɗaa haa ngaynuɗaa ciftorɗaa won ko ngaccuɗaa e njuulu hee, ɗoon a habbirt kadi ngaddaa ko njejjitɗaa ko, tawde kay nde ciftorɗaa ndee juutaani; so tawii noon nde ciftorɗaa taw juutii, yeru: ko jamaa njuulnoɗaa nde ciftorɗaa taw a yaltii jamaa ka, ɗo a firloto njuulu ngu.

ko hono noon kadi so tawii a juulii haa a gaynii a yejjitii silmin’de, habbir tan calminaa so juutaani, so juutii noon a firloto njuulu ngu.

So tawii kadi aɗa juula, e nder ko njuulataa koo, a roŋkii anndude to njahrata, mbale ko darnde walla ko darɗe ɗiɗi walla tati, ɗo, a mahoto e yananeede ma, yeru: a roŋkii anndude ko darɗe ɗiɗi ndañɗaa walla ko tati; ɗo, waɗ ko darɗe ɗiɗi ndañɗaa, so a gaynii juulde cujjaa Caggal silminaango (Baada Assalaam)

Oon doŋkuɗo anndude silminii walla silminaani? Yoo  o silmin, ɗo sujuudu waɗɗaaki mo.

Neɗɗo mo ngannduɗaa kañum ko cikki cikkinoowo (jejjitoowo), oon hay so o sikkitiima o timminii walla o timminaani, yoo o waɗ tan o timminii, kono noon kala nde o juuli haa o gayni o sujjat caggal silminaandu (Baada Assalaam).

Oon  juulatnooɗo, o dañii darɗe ɗiɗi o mo fotnoo jooɗtaade o teyyoo, o yejjiti jooɗtaade, so o siftoroyii tawi haŋkdi juuɗe makko e koppi makko ceertii e leydi, ɗo hoto o ruttano jonnde ndee, yoo o hafto tan o jokka njuulu makko,  so o silminoyii o sujja ko adii silminaango (qabla Assalaam) ngatii o ustii jonnde, o ustii teyyaade, o ustii kadi hay jooɗanaade teyyaade nde, fof ko sunnaaji.

Haɗeede noon haɗataa waɗeede, mbiyno ɗen ko so koppi makko e juuɗe makko ceertii e leydi yoo o jokku tan o daroo, so tawii noon o rutti o jooɗtoyii o teyyii, ɗo, soo silminii yoo o sujju caggal silminaandu (Baada Assalaam ngati o ɓeydii.)

 Ko Geno Tan woni ganndo, en njettii ma kaaɗdi njettoor!

Eɗen njaafnoo waŋnkiyaŋkooɓe mbiimi.com, ngam bajjondirgol binndanɗe ɗee wonaa e sago men jeyaa heen sahaaji ko rafi yaajeende waɗa sahaaji kadi tawa ko gaggaaji goɗɗi.

Binndol Aamadu Deh (Boobo Ngenndi), Diiniyaŋke Lewlewal Group Networks, www.mbiimi.com

• Add New
• Search

Comments (6)

• 2011-01-11 13:58:32 | usmaan gaajo to gaboo  - ceerno saggitam e saggere nde caggumi

  so tawi mbiza rewe waktuuji yeru tisbaar takkusaan futuro haa geexe mi naati jama yim6e ina ndaro ngam juulde geexe mbele mi juuldad e ma66e somi silmini mi yo6a waktuuji zi ndewateemi zi walla zoone kadi holno njo6irammizi mbele ngadortoomi ko tisbaar mi fawaheen takkusaan mi adda futuro walla mbelekadi no njo6irmi zoon e jama heni ko noon njo6irammi so tawi ko gallam saatu nde juulammi waktu jonzo tawo mbiza rewe waktuuji 6ennuzi njaafo zon kam so won pergiti mbaa puujooje

  • 4
  • 0

  ReplyQuote

• 2011-01-12 19:53:01 | Alasan Kaaliidu BAH.  - NJETTOOR

  Ceerno Aamadu DEH, yoo Alla yoɓe njoɓdi moƴƴiri, nganndu mi yimɓe paamii, wonan'de jiɗɗo famde; faamii, mo yiɗaa faamde noon, no waɗanaa fof, faamataa. Banndiraaɓe tedduɓe, en ndañii fartaŋŋe no nganndir ɗen diine men e ɗee binndanɗe juɓɓuɗe, tiɗno ɗen mbaɗten hakkillaaji men e binndanɗe he. Ina moƴƴi yontere fof ndañen winndannde, kono so boobo ngenndi wayrii addude winndannde tan kadi, ngullito ɗen Almuudo ngay, fuftina mo to cuurel makko to kadi. Yoo Alla waɗ barke e Almuudo ngay, binndanɗe moƴƴe ndañaama, ɗee binndanɗe ko laawol codol fayde e ganndal diine lislaam.

  • 1
  • 0

  ReplyQuote

• 2011-04-18 16:26:45 | Anonymous

  mahamadou siñcuba mi weltima nofeew he pamne monhe yo alla wallu kala 6i pullo daranido pular yo alla hokku en anndude rokka enfayidaagal anndude ya barke mouhamed

  • 0
  • 0

  ReplyQuote

• 2011-06-10 00:50:03 | | toure  - Diine

  Onon mbandirabbe daranibe diine ko mbawmi wide on tan ko yo on jokku golle sabu ko Genno jogi njobdi ma yob on. Yo Genno rukku kala bi pullo wunde juldo.

  • 0
  • 0

  ReplyQuote

• 2011-06-10 03:54:59 | | mamoudou Aly ka jowgel  - etaade jaabtaade e naamndal juulu ngal

  on njaraama bandiraa6e/midho eto jaabtaade e naamndal juulu ngal so tawii adha rewe waktuuji 1/ha waktuuji 4 dhuum ngardintaako koko adiko ndeggondira dhum so tawii timmi waktuuji 5 juulata ko waktu jondho o e yeru so tawi ko tisbaar ha geeye dhuum tisubaar ngandinta so tawii noon ko waktuuji joy njuulata ko waktu jondho o e yeru so tawii gila subaka ha geeye ko ngeeye dhe ngardinta/njaafodhon banndiraa6e
  

  • 0
  • 0

  ReplyQuote

• 2011-06-27 01:52:30 | demba sal

  yo alla wallu walloo be diine

  • 0
  • 0

  ReplyQuote

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom