Lewlewal Group Networks (LGN) ||| kabaruuji Fuuta e Winndere |||
 Roɓindo jaayndeeji Mali: Basiir Sinuun arnoo ko tineede; boy laawii nay |
| Roɓindo jaayndeeji Muritani: Ndaw cariindi e Muritani! |
| Roɓindo jaayndeeji Mali: Suɓngooji hooreejo Mali 2011 mbaƴƴinii barmeeji, kono dorog .... |
| Roɓindo Jaayndeeji Mali: Hakkunde nguyka cefe na’i e ruuɗo ATT |
| Roɓindo Jaayndeeji Muritani: Kori maale laamu bonngu ngonaani e feeñde? |
| Written by Umaar Tokosel Bah on Thursday, 06 January 2011 23:20 |
Boolumbal balloyiima kadi nguurndam dawrugol leydi ndi. E ko nde holliri, ADJ/MR woni ko e caɗeele sabu huunde e ardiiɓe catal AJD/MR Columbus, Ohio e gardagol Abdul Karim Kan tuuɗi wutteeji lannda ka caggal nde ka yanti e lanndaaji laamiiɗi. Le Calame kañum diwii ɗoon so wiyde laana AJD/MR woni ko e nder bempeƴƴe. E kuɗol Kaaw Ceerno, jaaynde nde holli naatgol lannda ka lanndaaji laamu adanii heewɓe mettere, sabu cukaagu nguu weltaaki e no naatgol ngol waɗiraa nih caggal diisnondiral waɗaaka. E ko Kaaw Ceerno holliri, jooɗnde huuɓtidinnde AJD/MR (congrés) aroore nde maa waɗ dille hay so hoore nde woni ko e yiilaade ñippude oo cumu gila ɓe njaɓoraani heen. Nouakchott Quotidien kañum ari ko yuurnaade niɓɓere wonnde e nder ngaska laamu Asiis. E kuɗol Muusaa Joop, jaaynde ndee eɓɓini : "yoo deftere jaŋngire deftere banndum". Laamu Asiis hollii maale ɗe laamuuji bonɗi njiyranoo e puɗ-puɗe: so nanngugol haɓantooɓe hakke aadee, ɓeydugol cogguuji nguura, faalkinaade luutndiiɓe laamu, ekn… Muusaa Joop siftinii maale kollirooje laamu Asiis wonaa jogorngu deeƴde e nder hitaande 2011; kaŋko kadi e siftin’de seppo pelle luutndiiɗe laamu ñande 13 Janvier 2010. Canalrim kañum balloyii ko to suudu ñaawirdu ngam wiyde ngal piggal muusii! Laamu ñaagii ko duuɓi 3 kasoo e alamaan 100.000 UM edow hoore Dah Uld Busraf, Mawluud Uld Buubu, Aali Uld Mbaarek, Seek Uld Abidiin, Balla Tuure e Biram Uld Abeydi. Jaaynde Canalrim e siftin’de :”yiyde goɗɗo ina tooñee ɓaleye waasa ɗippude ko waasde jogaade neɗɗaagal. Hol ko woni ndee deƴƴere Abdul Asiis?” E oon fannu, Boolumbal artii e bon-golle baɗnooɗe e Muritani hakkunde 1986 haa 1989. Boolumbal ngam artude e filla hakke aadee e nder Muritani, yaltini ko saakto ngo Amnesty International yaltinnoo e Decembre 1989. Taqadoumy kañum wiyi ko jaŋngooɓe duɗal jaaɓi haaɗtirde Nuwaasoot ko ko pilñitii haa ɓe ndottani ko’e mum en barmeeji ñaamirdu duɗal ngal. Jaŋngooɓe ɓee ngarnoo ko hollude mette mum en e no nokku ñaamruɗo oo gollortoo nih e no o sarwirta ɓe nih. Ko ñaami ñiiri Barka yettaani Barka wonnoo toon, so ruttu-ñaamaa e dow teyre ko ina tolnoo e waktuuji ɗiɗi. Roɓindo Umaar Tokosel Bah, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
LGN 
