LGN 04/01 Jaaynde Internet wiyeteende Taqadoumy feŋi tillisa mum jooni ko to suudu ñaawirdu Nuwaasoot. E binndol maɓɓe ngol siifaaka innde hay gooto, jaaynde ndee hollitii ko talaata janngo oo laamu felliti ñaawde Biram Uld Abeydi e sehilaaɓe mum. Biram tuumaa ko haɓtaade polis leydi ndi kañum e jeyeede e pelle ɗe laamu yamiraani. Ko polis Arafaat nanngunoo mo e dow ɗo o seppatnoo e dow maccungaagu sukaaɓe rewɓe to Nuwaasoot.

Taqadoumy haa hannde, hono no anndiraa nih, huñii sirluuji laamu leydi ndi so haaltude ko depitee Saalek Uld Siidi Muhammed wiyi koo jaagorɗo cellal Seek Uld Horma. E ko jaaynde ndee holli, Saalek weltaaki e no oon ɗowirta ngalu mum sabu makko wiyde yeeno-yeeno yottiima ɗo haaɗatnoo sabu bata jaagorgal cellal ngal wayi ko no bitik sewo sewo nih alla e jiiɓaade, waasde yuɓɓide, e waasde laaɓtude golle.

Le Calame e jaaynde mum ñande 29 decembre 2010 ɓuri yahrude ko tuuɗal AJD/MR. E ko Le Calame winndi e kuɗol Aamadu Sek, Ibrahiima Saar yantoyii e Abdel Asiis ɗoon ɗo Maawuya ɓokkii laañe Saar. E nder konngol mum jantugol e lanndaaji laamu, Saar woofaani Taaya sabu tuumde mo kala bonan’de.

Jaaynde nde hollitii won’de haŋkadi wontii goonga: AJD/MR tiiɗii wuttu mum luutndiiɗo laamu, jeyaama e heeriiɓe laamu gila ñande 23 decembre 2010.

E kuɗol Aamadu Sek, Le Calame wiyii addi AJD/MR naattude e laamu hee ko sabu teskaade paandaale maɓɓe keewɗe ina njahdi e ko laamɗo leydi ndi ummanii ko e haala Ibrahiima Saar.

Luutndiiɓe ngaal jaɓɓal noon, njiyri ɗum ko yiɗɗe loɓɓaade e daande gerlel ñiiri suuna laamu Asiis, sabu e yiyannde maɓɓe alaa ko waylanii ɓaleeɓe.

Le Calame e nder ndeen jaaynde kadi, ƴettitii winndannde yaltinanoonde e Cridem ñande 25 decembre 2010 ngam hollitde kolaaɗe Fuuta rewo nana loppitee e juuɗe remooɓe waasɓe.

E nder ndeen winndannde, hollitaama remooɓe Baabaaɓe, Haayre Mbaara e Fora ceppii ngam hollude mette mum en sabu 10.000 ha leydi maɓɓe hokkaama golliyanke Arabi Sawdiit.

Ñaabina e Garlol ne ko hono noon. Mbotto, Cilla e Aaali Baydi  ne ndañii kañum ko mum en; hannde ɓe ngoni ko e puuɗee nduuree hakkunde maɓɓe e perefee maɓɓe garɗo hokkirde leyɗeele maɓɓe societe mo anndaaka tawo. Gure ɗee ndottanaa ko 103ha; ko heddii ko, ko laamu fawi heen junngo e haala “hakim”.

Tahalil hebdo kañum habri ko toŋngooɗe joojaaji Muritani mbayliima. E wiyde maɓɓe, ɗum fayii ko e korɗe ɗi o: Chingitel ɓeydii e yeeso toŋngooɗe mum 2; Mattel ɓeydii e yeeso toŋngooɗe mum 3; Mauritel kañum ko 4.

Jaaynde Boolumbal kañum ne hooti ko e ngoƴaaji ɓaleeɓe. E kabaaru Panapress, Boolumbal hollitii rewaŋkooɓe moolinooɓe Senegaal njooɗii ko e ɓoccooɗe sabu e haala Mammadu Wan, gardiiɗo fedde mooliiɓe, HCR wiyi ko kootgol juɓɓinaangol yawtii. Mammadu Wan hollii fotde 5000 mooliiɗo nani daande mayo ina fadi nawteede kono laamu saltiima nawtude.

Roɓindo Umaar Tokosel Bah, Lewlewal Group Networks, www.mbiimi.com

• Add New
• Search

Comments (1)

• 2011-01-06 16:09:35 | usmaan gaajo  - ceerno umar so goonga kaa ngenndiyanke

  mi yoozaama golle mon ngam darnde mon laaptunde nde ndarani zon leñol ngol wonndude kiram laa6tuzam zam kiranzo leñolngol ngam dadde e humanbinnaagu yoo geno sellin semmbina hatantee6e daranii6e ngol leñol

  • 0
  • 0

  ReplyQuote

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom