LGN 16/12 Banndiraaɓe waŋnkiyaŋkooɓe lewre min mbiimi.com, mi hoofnii on kaaɗtudi; caggal ɗuum ko yaafnaade on ngam bayrugol men yaltinde winndannde diine nde Lewlewal Group Networks addanaɗnoo on e kala yontere. E no Alla newniri, en ngartii e jokkude binndanɗe ngam wallondirde he renngo ngoo anndude ƴiyal diinde Lislaam.

Hannde noon winndannde men juutaani, ko yiɗde anndinde yuurniyaŋkooɓe mbiimi.com tan alaa ɗo yahanoo; fof artii to wonno. Almuudo Ngay wonnoo ko e meeraade mi gila ko ɓooyi, maa taw ko jooni o dañani mi damal tan. Ko masiŋ am yakkinoo kono mi yahaani hay nokku etee mi humanaani hay gooto.

Hannde noon e no famɗiri fof ma en kaal ɗoo seeɗa huunde e sarɗiyeeji njuulu.

Ko adii fof njuulu ina jogii sarɗiiji. Ko adii nde njuulataa alaa e sago ɗuum timma. Nde neɗɗo juulata yaa taw waktu yonii, jomci o juuldata ɗii yaa taw ina laaɓi, nokku mo juulataa oo yaa taw ina laaɓi fotde saa dariima to comci maaɗii nguubotoo ɗoo; walla saa sujjoyii to comic ɗii memata ɗoo yaa taw fof ina laaɓi.

Kadi so a ɗa juula, kuccitaa fuɗnaange; ɗuum ko e sarɗiiji njuulu jeyaa.

Suurde hurum mum ko heen jeyaa, ɗuum woni taw ko a gorko, ko famɗi fof wuddu haa koppi cuuroo, ɗoo kadi mbaɗten ɗoo hakkille sabu e ɗen njiyaa heewɓe ina njuula taw njogii ko dolokkaaji kadi taw cakkaani haydara. Joom mum kadi wona e wakkitaade  dolokke oo, guttuli makko ina njalta boowal; ɗuum awra makko yaltat, etee awra so yaltii njuulu sellataa tawde wonaa ngantu. Yoo ɗoo laaɓ cer!

So tawii ko debbo, fof yoo suuro so wonaa yeeso e newe juuɗe ɗee, kala ko heddii e makko, so yaltii njuulu makko sellataa; hay si wonii noon ko leeɓol gootol e hoore makko yalti.

Waktu noon so yonii tan foti ko juuleede, hay so a alaa ndiyam ko calligi-ɗaa,taamo njuulaa; hay si wonii kao  gonduɗo e janaaba, a dañaani ndiyam kadi nde ndañataa ndiyam haa looto-ɗaa  tawat ko  waktu ɓennii; taamo njuulaa. Yoo ɗoo ne kadi laaɓ sabu eɗen keewi yiide won heen ndaaŋana taarore ina ɓuuftoo tawa ko waktu juuleteeɗo yoni.

Ko Geno woni gooto ganndo, en mbaɗtii teddungal e makko.

                               HAKKUNDE LAAÑE

Banndiraaɓe waŋngiyaŋkooɓe lowre mbiimi.com, gooto fof ina yamiraa yoo jaŋngu qul huwa allaahu laabi sappo e feccere, o junnita aayatal kursiiyyu feccere laawol, o tuuta e teppere makko o mooma e hoƴƴudu makko, o sakkoo buuɗi jeeɗiɗi kodde ñebbe, e ñuulla biƴƴe, e holsere mbabba pooreewa, o sakkoo ɗum miskiino ɗokko, tawa ko laƴoowo koyngal caggal nde o anniyii e sadak hee yoo Geno danndumo e boneeji Almuudo ngay.

Binndol Boobo Ngenndi, diiniyanke Lewlewal Group Networks, www.mbiimi.com

• Add New
• Search

Comments (4)

• 2010-12-17 18:46:06 | | baru ba  - jaraama

  a jaraama boobo ngenndi,
  kono hare noway fof ɓuri ya mi accidiima e alla, ha ha ha ha ha miin kam mami waɗ duwaawu o , sabu gete njiimi omo ndaara kam hanki ɗe fayaani tomoƴƴi

  • 0
  • 0

  ReplyQuote

• 2010-12-17 21:07:31 | Almuudo Ngay  - yoo wonir noon

  Aan kam Baru, mi yiilaaki ma sabu mi yiɗaa fawaade hakke sabu so mi birbimaa ma tan, faati A...... hootat Mbahe... kono kala mo waɗaani gollal mum, maa mi naat e koyɗe tuuba mum

  • 0
  • 0

  ReplyQuote

• 2010-12-17 21:11:30 | Almuudo Ngay  - walaa hawlaa oo sadak

  Miin hoore maa mi sakko oo sadak mbela Alla ina suura mi bone añɓe Filaa e sukuñaaɓe New York. Kono Boobo, a yoɓii ñamaande sabu ko boni fof kay sadak oo fotnoo yan’de ko e miskiino ɗokko, ɗoon tan yonii bone sabu o mo waawi yilaade. So o ruttiima o wontii laƴoowo kay, firti ko ko yelii fof maa ruf kasaara ɓeydoo. Wota mo yaadi e maa ceerno…. Jokku golle gila mi artaani

  • 0
  • 0

  ReplyQuote

• 2010-12-19 18:20:43 | Alasan kaaliidu BAH.  - Yimɓe mbeltiima kadi, winndannde hesere arii cagga

  geno yettaama no feewi, ngati ɗuum winndannde dañaaa. Kono , yoo yimɓe ɓe njettu Almuudo ngay, so wonaano kanko, defte ɗe kippittaake nih saka winndannde hesere ara, ɗeeɗoo jonte fof Boobo ngenndi koko ɗubbninoo he cuurel mum, ina salii addude binndanɗe, yimɓe ɓee naftoroo e diine mumen, ko almuudo ngay hocci sawru mum kelliiru, moomaandu nebam, haa wojji coy, tawoyimo toon, gijii mo, so wonaano kanko winndannde dañetanooka.miɗo wiya on, onon banndiraaɓe kala jiɗɗo dañde ganndal e diine mum, tawa ko jaŋde laawol codol, yoo hoccu kuɗol mum binndirgol e kaayit daneejo waannjitoo ɗee binndanɗe, jooni joomum wonta ceerno,tawa yeloyaaki addaani dawol ceerno. Yoo Alla waɗ barke e Almuudo ngay, so on mbayrii yiyde binndanɗe tan kadi, ngullito ɗee almuudo ngay, hocca sawru mum kadi, e kure mum laañe tawoya mo toon. so o ɗimmitii engol tan, Almuudo ngay weddotoo e makko B 52 tappanooɗo e hoore saddaam huseyni. On njaaraama

  • 0
  • 0

  ReplyQuote

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom