LGN 22/11 Aloo durwel, gauche-droite, ar mi nawormaa haa Elysee wolla nii haa Palaas d’Alcatrez! ñekkel ko Jaartel, beɗel ko denku dotel; puusan am haa mi ruñnja, walaŋ am ɗoofiima, fereŋ am ɗuggitiima, tottu am palal mi guufoo, weeɗu am jullaare mi marñoo heen; ina weli mi ina ñiklinii mi, ina yettee hah! So mi duƴƴaaki e tulde Euro, mi denkoo e raŋalde Kummba miña. Abdu Juuf wii ɗum mbarass, ATT noddiri ɗum fendere, Sarkosii (yar gosi) wii ɗum petit pagne: bonnataa laawol, ñawlintaa naange.

 Caggal duuɓi 42 jaŋde no werlaa ɓuƴirtee e mbeddaaji Farayse fof no woorunoo, baaba Sayku Umaar Bah hortinii durwel mum. Alhajji waasooru tamii taasannde e pofal eeri. Wonaa ɗay, wonaa domo ɗay ɗay; tas yoo tas-tas ko maa ladde yaynoo!!!!

Mi woondirii caapuute Kodooy miñam, Aminata mawni amen, jeewo mo wostaaka ñedude karaw, dañii jam e kisal, sabu jooni hay lamɗam ko baaba Sayku soodoyta.

Miin, Almuudo Ngay hoore am, miɗo yananaa huunde wootere: mo yiɗaa rotere mum ɓoltoo fof yoo reeno weger-ger baaba Sayku bun Umaar Kattaab, sabu mo jokkii e jaŋde ɓuƴngo werlaaji duubi 42, waasataa ɓuƴde maa ɓuƴora heen Moodu mo alaa paas. Mbaɗee e ladde werlaa baaba Sayku nana ara e senngo laawol koy!!!

Baaba am, mawni am, sehil am, giɗo am, giƴi am, Baaba Sayku, kala ko yimɓe mbaawii wiyde, yoo a jogoro jam haa rewtee (jammaa reetee) sabu hono maa alah e waawde gilli aduna e yiɗde hoore mum sabu ko yiɗde woni ŋatde, etee ko ŋatde woni dañde. Mi yiɗiima ɗo mi añcataama: Wollay, so mi gañiima lotori, maa mi yah to maalaw labbo, o sehana mi laanel sammba laakara, mi ɓocca heen koyɗe welooji nayi, mi sinnda heen sumalle kosam e girbe ndiyam, mi logga heen walaŋ kamiyoŋ e kornal abiyoŋ mi hokkumaa lummbiraa maaje, taƴiraa jolɗe hakkunde Elysee e Baabaaɓe Looti. Baaba Sayku am, mo yiɗaama fof yoo lollere rew e mum haa e nder jamaa.

Binndol Almuudo Ngay, mo kesi mum kaɗi kiiɗɗi mum haaleede, gorel ɗaɓɓel toowngel wulaango, lappotaako woppotaako, alaa teew saka ƴiiƴam. Mo mettini binndol am fof yoo sokku Sempal Tuuraas ɓilal haa ƴeewa ko dañi toon.

*Sabu won’de mo aawase e borijoŋ mo yahtaa ko woni haaju, Lewlewal Group Networks ina moolanii Ngay alla etee defaaki kesi mum saka kiiɗɗi mum hay seeɗa.

• Add New
• Search

Comments (7)

• 2010-11-23 01:42:36 | C.J

  Min paamaani ko njixxa haalde NGAY?

  • 0
  • 0

  ReplyQuote

• 2010-11-23 02:45:00 | Almuudo Ngay  - re:
  C.J wrote:

  Min paamaani ko njixxa haalde NGAY?

  
  so wonaa ngonmi ko e toonde sayku umaar bah

  • 0
  • 0

  ReplyQuote

• 2010-11-24 15:02:25 | Sayku Umar BAH  - binndoowo

  Almuudo ngay, a toonyii baawzoma.
  Waawmaa e cowal, waawmaa e poomnal.
  Wallaahi haa mi jaggu maa, maa mi nawte hirnaange Haras.

  • 0
  • 0

  ReplyQuote

• 2010-11-25 04:47:24 | Almuudo Ngay  - heee hee accu kaan

  toon ko memaandu, hootetaake. ko mi perzo etee so a yizi nationalite am muritani, ar mi wazan maa procuration

  • 0
  • 0

  ReplyQuote

• 2010-11-26 17:24:15 | yuusuf h woon  - jaaroore

  mido wltanii on e golle mon paayodinde
  odon ngitti kumpa,kadi yeeweende.
  mido naagoo yo allah juutnu nguurndam mon.
  ina wela mi jaabtowol mon

  • 0
  • 1

  ReplyQuote

• 2010-11-29 19:51:41 | Alasan Kaaliidu BAH  - YO a jogoro lam, aɗa haan'di heen.

  miɗo wiy ma, aan seku Umar, yo a jogoro jam, mi weltiima sanne, kotin mi a heɓii permi ko, aɗa haan'di heen, ngati ko a daraniiɗo leñol ngol. A dañii no liggori ɗa, e no ligoonori ɗaa leñol ngol, seydi BAH. Almuudo ngay noon, mi anndaa ɗum, kono ko giɗo ma, alaa baawɗo yenoraade nih neɗɗo, so wonaa giɗo mum,sehil mum, yeno ngo, nafii kam, ngati ɗuum mi tinaano a janngii soggude werlaa, saka dañde yamiroore soggude ɗum, a heɓii ko weeɓaani, ngati ɗuum dañde permi e farayse, hamsaade ñiiwa ɓuri ɗum weeɓde. Miin ne mi dañii fartaŋŋe, haydi a heɓii permi, so en njahii maniif, hedde torekadiro, so eɗen koota mbiyat mi ko yo a nawtu am haa galle am, mi jaar ma, caggal ɗuum mi duwanoo almuudo ngay, baɗɗo feere haa tin mi a heɓii permi, o so wonaano kanko mi yaawataano tin'de oo kabaaru belɗo. Mi salminii ma, mi salminii joom suudu ma.

  • 1
  • 0

  ReplyQuote

• 2010-12-06 11:25:15 | | Sayku Umar BAH

  Anne Alasan Kaaliidu mo Taagutalla a jaaraama, annene ko a gizo vooyzo, katante lenyol, mbeze rewindii golle maaza.
  wazde, so en kawrii seppo ngol laawol maa mi nawte, kono wonaa nyande fof, ngam so wonaa zum Mammadu Abdullay JAH ne wiyata ko maa nawtee, etee kanyum soklaani e werlaa, hozi ko e PARIS.
  Almuudo ngay noon, ko kese mum kazi kiizze mum haaleede. Kadi kaayitaaji makko Moritani o waawaa kam zum rokkude, ngam laamuyel safalve hevtiizi gila nde ittimo kankoosa tacciniri mo ROOSO.
  Nyallen e jam
  

  • 0
  • 0

  ReplyQuote

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom