LGN 25/10 Ngam hollitde mette maɓɓe e ɓeydagol fariŋ, fiyooɓe mburu ɓe wuro Ndakaaru caliima sumde. Tuggi e ñalawma altine haa talaata, hay fuur gooto fiyataa mburu e nder Ndakaaru sabu pooɗee nduuree hakkunde maɓɓe e laamu ngu.

Coggu fariŋ ɓeydiima, kono laamu jaɓaani yoo fiyooɓe mburu ɓeydu coggu mburu. Ko ɗeen mette ndewi ɓe haa ɓe pilñitii. Hannde e nder Ndakaaru, hay mo saawi afo mum yiɗi wostaade loocol mburu dañataa.

Hay so maaro ina heewi faayiida e nder Senegaal, mburu ne heedaani caggal. Sabu ko ɗuum wuuraa e nder gure teeru. Ɗuum teeŋti hannde e nder fuuruuji e jeeyirɗe. Yeeyooɓe e paasiyoŋaaji, yeeyooɓe teewu, liɗɗi, ñamo-ñamo (sokolaa, toon, ekn), kala kaɗtiima ŋakkere mburu nde.

Addi caɗeele ko ɓeydugol geme e fariñ e nder aduna hee. Jooni ngam salaade moɗde ngaal baasal njeñcudi, fedde senegaal-naaɓe joom en fuuruuji e dow gardagol Gay mbiyii loppet, ɓe piyaani mburu haa anndee ɗo ɓe keedi.

“Gerew oo gasaani tawo, wonaa hannde tan e jaŋngo. Hannde fotde 80 fuur e nder Ndakaaru ngudditaani, sumaani”, e wiyde Gay.

E ko ɓe kaali saaku fariŋ wonnoo ko 14000 F CFA (22 euros) e lewru ɓennundu, jooni ko 20600 F CFA (32 euros), ɓeydiima no feewi. Jooni ɓe mbiyi ko yoo loocol mburu ngol 210 garaam jeyetaneengol 150 f CFA wontu 175 f CFA; kono laamu Senegaal jaɓaani, kadi saliima yo teddeendi ndii uste.

E oo sahaa ko tappa-lappa, gosi e lacciri tan woni e yahde, kono laamu e fiyooɓe mburu haa hannde ngoni tan ko e ɗuurnondirde.

Binndol Usmaan Makka Lih, Lewlewal Group Networks, www.mbiimi.com

• Add New
• Search

Comments (0)

Write comment

Your Contact Details:

Name:

Email: do not notifynotify

Website:

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Joomla components by Compojoom