Lewlewal Group Networks (LGN) ||| kabaruuji Fuuta e Winndere |||
| SAAREL E KOORKA MUM: Jamma mum "Leylatul Qadri" |
| Kabaruuji | Doge & wiɗtooji |
Jamma 27, Saarel hiirii tuumtaade oon waktu cuɓaaɗo e oon jamma tedduɗo. Hakkunde darnde njuulu e kurus, Saarel ina tuumtoo maale biyaaɗe ɗee. Jamma oo ina duybi-duybina ina mooytanoo fajiri, haa maale ɗee peeñani Saarel. Denɗi heñii findini jom suudu mum: “ Waktu biyaaɗo oo dey naatii, njiɗnoo-mi ko kaalaa geɗe tati ɗe njiɗ-ɗaa, ñaago-ɗen Allah”. Pennda Caam deƴƴi seeɗa, ɓami konngol : “Saarel aɗa anndi aɗa wondi e rafi lelnde, ko haɗi ñaago-ɗaa mbele Joomiraaɗo ina ɓeyda juutnande ma………. Nde Caamel joofnata tawa Saarel ɓamii kurus duwii.
Ko Saarel ñaaginoo koo jaabaa, heddii tuba ina ƴuufa, ina duurtoo haa dufol wii tokket. O laari Joom suudu oo, “miin dey a lorlii kam, aan kuɗaaɗo kuddi Maawuyaa Uld Taaya o, aan kiitaaɗo mo yitere ooñiinde oo. A feewjataa ko moƴƴi, a diwotaako jam; a ɗa anndi kanko o ɓuri yaawde jaabaade fof ko kasaara. Jooni nani, hol no mbaddat-mi heen?”. Alaa, wonaa ina heddii ñaagule ɗiɗi goɗɗe, ñaago yoo usto”. Saarel ɓami kurus ñaagii huunde ndee ustii kadi haa takki, hay so o yuurnitiima o yiyataa so wonaa niɓɓere mbeelu mum. Saarel hiiwtii woyi e woyde: “ Feeram bonii, mi booraama! Alaa no waynoo, ɓeydiima bon’de. A yiyii ko mbaɗɗaa kadi Pennda Caamel, aan kaandunooɗo o muumɗude oo”. Pennda wiymo: “ii, ina heddi goɗngol, ñaago kadi yoo o waɗtu no waynoo”. Saarel fooɗi jabe toɗ-toɗ, ñaagunde tataɓere ko yoo artu ɗo wonnoo. Ko Saarel ñaaginoo koo sakket arti ɗo wonnoo. “Aan Pennda Caamel, a yi-ii, wonaa mi haalaniima oo ñaagetaake ko wayi nih, kanko miɗo ñaagoo mo paas e passport fayde Amrik wolla Espaañ wolla kam hay so Sikaasoor kono o meeɗaa dankaade to maayɓe am keedi kono a yi-yii nde njoofnat-mi ngol konngol tawii o fooɗii, o duurtii, o gaŋŋiniima. Ñande wonnde, miɗo moolii Alla e nelaaɗo mum, accidam e hooram mi ñaagoo hay so soñde mata cooke ɓuri ɗum, sabu a yiyii ñale waasii ɓirdugal waasii. OO jemma ko ɓuri mbo won’de e am jemma kasaara e aawaare alaa. Koppi ɓuutii tuko-mukoori, keeci tokkitiima turoo-turtoo, ɗoyngol dañaaka haaju humtaaki.” Ko nih woni Saarel waasii ɓure ɗe fotnoo dañde e jamma cuɓaaɗo oo. Oon jamma e Saarel ko o jama leylatul fajiri tigi. Binndol Hammee Lih,lewlewal Group Networks, www.mbiimi.com Tags: saarel ina jamma mum pennda ñaago kam haa waasii caamel oon kurus waktu nde kadi yoo wonaa alaa leylatul hay Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men.
Comments (3)
Joomla components by Compojoom
|
LGN
Mbo kala e ko soklini ɗum Saarel ko ɗum wonnoo ngoƴa mum kono ko Pennda tooñi mo maataw Pennda weltaaki e njogaram makko ɗam